Assissijen Fransen biejjie-laavlome

Mov Åejvie, datnem heevehtem

gaajhkine ektesne maam datne sjugniehtamme,

eeremes Biejjine mijjen vïelline

mij aeredslååjjedem mijjese buakta,

jïh numhtie datne tjoevkesem mijjese vadtah.

Mov Åejvie, datnem heevehtem,

vïelle Bïegken åvteste

voejngenassen jïh balvi,

dovne elmien jïh ovmessie vearoldi åvteste,

juktie dejgujmie datne gaajhkem

maam sjugniehtamme, jielemem vadtah.

Mov Åejvie, datnem heevehtem

mijjen Åabpa Eatnemen åvteste

mij mijjem bïpmehte jïh vaarjele

muerjieh, kraesieh jïh sjædtoeh

ovmessie klaerine buakta.

Assissijen Franse jaepien 1182 Umbrijisnie, Italijisnie reakasovvi. Franse ræjhkoes ålman baernie, dïhte gaajhkem eekem jeatjabidie vedtieji. Dan mænngan sïjhti rohkelidh jïh giefies almetjidie vïehkiehtidh jïh Jupmelen sjugniehtimmiem heevehtidh. Guktie Franse ussjedi, tjaebpies tjïhteginie jïh prïevine tjeeli.

Lohkh vielie Fransen bïjre  deasnie

Bijbelisnie tjaalasovveme Jeesuse lea goh biejjie, jïh Jeesusen ååredæjja lea goh biejjie gosse dïhte faamojne guaka. (Jåhhan volverinie 1, 16)

Dah mah Jeesusasse jaehkieh kristegassjh leah. Mij dïhte, dïhte jaahkoe Jeesus Kristusasse?

Mov baaltegem bööremes eahtsam gosse dam  dïenesjem, Assissen Franse jeehti. Ræjhkoes jielemem leehpi. Ledtieh, juvrh, sjædtoeh jïh moerh vïelline jïh åabpine gåhtjoeji. Lohkh Fransen åssjalommesh, jïh guktie Franse dejgujmie soptsesti.