Skælloe

Gosse lååvkesovvebe gærhkoe-åålmegen lihtsegh sjïdtebe. Gosse maana lååvkesåvva, dan eejhtegh jïh kristh-eejhtegh maanan åvteste ”jaavoe” jietieh. Gosse noere sjidtieh, dellie dah jis jïjtjh jiehtieh mejtie sijhtieh skylledh. Skælloe lea vihtiestimmie. Gosse skyllebe dellie Jupmele sov laakome-dååjvehtassem vihteste.

Gosse skælloe-maana leah, nuepiem åadtjoeh dov jaakoen bïjre vielie daejredh, Bijbelem buerebe lïeredh, kristeles jaahkoen bïjre soptsestidh, gærhkojne åahpenidh, orre åssjalommesh jieleden bïjre jïh dov voenen jïh veartenen gærhkojne eadtjaldovvedh.

 Mij lea dov eeremes åssjalommesh guktie sïjhth skylledh? Maam datne vaajtelh gosse skælloe-maana leah? 

Lohkh vielie skælloen bïjre daesnie.

Tjaetsie dovne jaahkoe-ööhpehtæmman jïh beajjetje jieliemasse vihkele.

Tjaetsie lea faamoen gaaltije jïh jieledem vadta. Tjaetsie gaaltijisnie. Aerebi goh eatneme sjugniehtovvi, tjaetsie desnie. Såårnesovveme tjaetsie jïh Jupmelen Voejkene desnie ligan aerebi goh gaajhke sjugniehtovvi.

Laavkoemisnie tjaetsie. Lutheren gærhkosne sïejhme maanide laavkodh. Daelie sïejhme dovne noere jïh geerve almetjh laavkodh. Gosse maanah lååvkesuvvieh, dellie dïhte gie dejtie lååvke tjaetsiem golmen aejkien dej åejjiej nille gååjve jïh Aehtjien, Baernien jïh Aejlies Vojkenen nommesne dejtie lååvke. Jis Jupmelen baakoeh eah govlh gosse laavkoeminie, dellie tjaetsine aajve tjaetsie lea. Laavkomen tjaetsie aejlies sjædta Jupmelen baakoej tjïrrh. Gosse maanah gåetesne lååvkesovveme, dellie tjaetsie laavkomen mænngan olkene leejhkie gåetien luvlielasse jallh mubpien sæjjan gusnie ij gie vaedtsieh.

Gærkoen voestes biejjieh dallah skyllin laavkomen mænngan. Buerebe laavkomem skællojste juekedh. Jïh dellie skælloe sjïere sijjiem åadtjoeji jïh dan mænngan sakramentine sjïdti goh laavkome. Fïerhten jaepien mahte 40 000 noere almetjh Nöörjen gærhkosne skylloeh.