Dïjre Maarjese

Ussjedh voestegh daan bïjre:

· Guktie vïenhth lea eejhteginie sjïdtedh gosse ennje noere lea?

· Mij lea stööremes dåeriesmoere gosse eejhteginie sjædta gosse ennje noere lea?

· Guktie vïenhth lea nåajsan sjïdtedh gosse ij naan mïelehke desnie? 

Lohkh Maarjan bïjre Lukasen vaentjielisnie: Lukas 1, 26-38.

·Man bïjre daate teekste såårne?

· Guktie daan teeksten aamhtese?

· Maam tuhtjh dennie teekstesne viehkielommes?

· Giejtie daennie teekstesne gaavnedibie?

· Maam åadtjobe Maarjan bïjre daejredh? Maam åadtjobe eengkele Gabrielen bïjre daejredh?

· Guktie Maarjine gosse eengkele dan gåajkoe båata?

· Maam eengkele Maarjese jeahta?

· Mestie Maarja tjoeperde gosse eengkele soptsestamme?

· Maam eengkele jeahta Jupmelen bïjre?

· Gïeh daelie dååjrehtieh maam Josefe gonnoeh Maarjah dååjrehtigan?

· Maam daaletje noere nïejth dååjrehtieh gosse nåajsan sjidtieh?

· Maam datne ussjedh daan bïjre: noere nïejtide eevtjieh maanam boerne-gåetesne jamhkelidh?

·Maam datne tuhtjh, guktie edtjebe dåemiedidh gosse noerh eejhtegh sjïdteminie?

Lohkh saerniem ikth vielie jïh ussjedh daan bïjre:

· Guktie maehtebe noere almetjidie viehkiehtidh gïeh eejhtegh sjidtieh?

· Guktie edtjieh noere eejhtegh damtedh Jupmele dej luvnie lea, seammalaakan goh Josefe gonnoeh Maarjah?

Tjaetsie dovne jaahkoe-ööhpehtæmman jïh beajjetje jieliemasse vihkele.

Tjaetsie lea faamoen gaaltije jïh jieledem vadta. Tjaetsie gaaltijisnie. Aerebi goh eatneme sjugniehtovvi, tjaetsie desnie. Såårnesovveme tjaetsie jïh Jupmelen Voejkene desnie ligan aerebi goh gaajhke sjugniehtovvi.

Laavkoemisnie tjaetsie. Lutheren gærhkosne sïejhme maanide laavkodh. Daelie sïejhme dovne noere jïh geerve almetjh laavkodh. Gosse maanah lååvkesuvvieh, dellie dïhte gie dejtie lååvke tjaetsiem golmen aejkien dej åejjiej nille gååjve jïh Aehtjien, Baernien jïh Aejlies Vojkenen nommesne dejtie lååvke. Jis Jupmelen baakoeh eah govlh gosse laavkoeminie, dellie tjaetsine aajve tjaetsie lea. Laavkomen tjaetsie aejlies sjædta Jupmelen baakoej tjïrrh. Gosse maanah gåetesne lååvkesovveme, dellie tjaetsie laavkomen mænngan olkene leejhkie gåetien luvlielasse jallh mubpien sæjjan gusnie ij gie vaedtsieh.

Gærkoen voestes biejjieh dallah skyllin laavkomen mænngan. Buerebe laavkomem skællojste juekedh. Jïh dellie skælloe sjïere sijjiem åadtjoeji jïh dan mænngan sakramentine sjïdti goh laavkome. Fïerhten jaepien mahte 40 000 noere almetjh Nöörjen gærhkosne skylloeh.