Gieriesvoeten vaentjele

Gieriesvoete syöjmehke lea, ij sohtehth, ij skrïehpesth, ij tjievledh. Ij leah slassoeh, ij  gåessie gænnah jïjtjemdh ussjedh, ij måarahtovvh, ij bahhasvoetem guedtieh:

Nïmhtie dah golmesh tjåadtjoeh: jaahkoe, håhkoe jïh gieriesvoete. Gieriesvoete jis dïhte stööremes. Pöövlen 1. prïevie Korinten ålmegasse 13, 4 – 5 jïh 13, 13

Greeken gïelesne gieriesvoeten leah golme baakoeh: Eros, filos jïh agape.

Eros lea ålman jïh nyjsenæjjan gieriesvoete.

Filos  lea baaltege-gieriesvoete almetji gaskemsh. 

Agape lea jupmeles gieriesvoete, Jupmelen gieriesvoete. Dam gieriesvoetem libie vaajmose åådtjeme Aejlies Voejkenen tjïrrh.

Bijbelisnie tjaalasovveme Jeesuse lea goh biejjie, jïh Jeesusen ååredæjja lea goh biejjie gosse dïhte faamojne guaka. (Jåhhan volverinie 1, 16)

Dah mah Jeesusasse jaehkieh kristegassjh leah. Mij dïhte, dïhte jaahkoe Jeesus Kristusasse?

Mov baaltegem bööremes eahtsam gosse dam  dïenesjem, Assissen Franse jeehti. Ræjhkoes jielemem leehpi. Ledtieh, juvrh, sjædtoeh jïh moerh vïelline jïh åabpine gåhtjoeji. Lohkh Fransen åssjalommesh, jïh guktie Franse dejgujmie soptsesti.