mainBack
headMenyDekor
Lïerh:
Gærhkoe

Saemien gærhkoemusigke


 
Dejpeli jïh daelie jïjnjh saalmh saemien gïelesne. Jïjnjh dejstie noerhtesaemien saalmh, jïh aaj luvlesaemien saalmh. Dej leah saalme-gærjah jïh desnie jïjnjh saalmh mah daaroen jallh såevmien gïelijste jarkoestamme, jïh saalmh mah mubpijste laantijste båetieh. Daaletje saemien saalmh jeenjemasth mubpijste gïelijste jarkoestamme, vaenie saalmh leah saemien kultuvresne sjïdteme. Vaenie saemien saalmh saarnoeh guktie saemieh sijjen jieleden jïh jaahkoen bïjre ussjedieh. Gaagkestimmesne vihkele saemide saalmh saemien
 
 
Guktie saemieh saalmh laavloeh? Noerhtesaemieh soejmelaakan laavloeh. Goh vueline govloe. Gosse orgelem pruvhkieh, dellie sjïere saemien laavlomen vuekie nåhka. Orgele edtji saalme-laavlomem eevtjedh jïh åålmegem viehkiehtidh hijvenlaakan laavlodh. Buerebe sjïdti jis orgele laavloemasse sjïehti. Ij noerhtesaemien laavlomen vuekie orgelasse sjïehth, jïh dellie orgele saemien laavlomem jemhkele.
 
Joejkeme vihkeles saemien musigke. Såemesh gærhkoen musigkem mubpien musigkeste juekieh. Tuhtjieh joejkeme ij amma gærhkosne sjïehth. Daan dïehre ij joejkeme gaajkene gærhkojne leah. Vuelieh gellien jaepien åarjelsaemien gyrhkesjimmine orreme.
 
Åarjelsaemiej luvnie sijhtieh liturgijem jïh gaagkestimmien musigkem saemien vuekien mietie utnedh juktie vuelieh desnie saemien musigke lea. Joejkeme saemien identitetem eevtjie. Jïjnjesh tuhtjieh gosse saemien musigkem utnieh gosse gyrhkesjimmieh, dellie saemien kultuvre jïh jaahkoe ektievoetem gærhkosne eevtjijægan. Åarjelsaemien gïele tjaaleld gïeline jaepien 1978 sjïdti. Aerebi åarjelsaemien gïelem aajve soptsestin. Orre åarjelsaemien saalmi leah melodijh saemien vuekien mietie. Jeatjah saalmh jarkesovveme leah jïh båeries melodijh utnieh.


Utskriftsvennlig versjon

Sisvegen bïjre

 

Gærhkosne åatjobe ektievoetem nænnoestidh. Gosse Jeesus Kristusasse jaehkebe, dellie ektievoetem Jupmielinie jïh sinsitnine åadtjobe. Ij Jupmele sïjhth mijjieh kristegassjh edtjebe oktegh årrodh. Gyrhkesjimmesne ektievoete vååjnoe gosse ektesne jiehtebe guktie mijjen jaahkoe lea, gosse ektesne aejlies maalestahkem byöpmedibie jïh ektesne rohkelibie jïh laavlobe. Jeesuse jïjtje rohkelassem Mijjen Aehtjie mijjese ööhpeht

Gyrhkesjimmesne bijbelteeksth, prïeke, rohkelassh, saalmh jïh aejlies maalestahke. Fïerhten aejlegen akte aamhtese, guktie bijbelteeksth, prïeke jïh saalmh leah dan aamhtesen mietie. Laavkomen, skælloen, juvlemen jïh hïejen leah aaj liturgijh.

Saemieh gujht aavoedieh gosse saemien gïele gærhkosne govloe jïh saemien klaerieh, symbovlh, tjaalehtjimmieh, saalmh jïh musigkh saemien vuekiej mietie leah. Hijven gosse saemieh eah damth dah goh guessieh gosse gærhkosne leah. Gærhkoen åålmege jïh åålmegen raerie sijhtieh gaajhkesh edtjieh ussjedidh gærhkoe dej lea.

 

Guktie aajhtsebe gyrkesjimmie saemien gyrhkesjimmie lea? Gosse saemien gïele govloe? Gosse saemien gærhkoe-rïeseldahkh vååjnoeh? Gosse prïeke, rohkelassh, musigke jïh liturgije jeatjhlaakan leah? Gosse saemieh gærhkosne leah?

 
mainTail3spalte