Lars Jacobsen Hætta (1834-1896)
Lars Jacobsen Hætta (1834-1896) Guovdageaidnusne byjjeni gosse geerve jaepieh. Jaepieh 1840 almetjh Guovdageaidnusne orre kristeles ïedtjh åadtjoejin gosse Læstadijuse saerniedi. Hætta akte dejstie lïj. Hearrah jïh åajvaladtjh dam orre ïedtjem voejhkelin jamhkelidh. Gålkoen 8. biejjien stujmie sjïdti jïh Hætta akte dejstie stujmien åejvijste lïj. Lientjie jïh åesies-ålma buvvesovvigan. Hætta 18 jaepien båeries dellie. Juktie dan noere lïj, idtji dööpmesovvh jaemedh badth abpe jielemem faangkegåetesne årrodh.
Jens Andreas Friis galki orrestehtedh dam noerhtesaemien Bijbelem maam Stockflete lïj jarkoestamme. Dellie faangkegåatan Lars Jacobsen Hættan gåajkoe bööti viehkiem ohtsedidh noerhtesaemien Bijbelem jarkoestidh. Friis Hættam viehkiehti faangkegåetiem laehpedh guktie meehti Bijbelem jarkoestidh. Gosse Hætta Guovdageaidnuse vihth bööti, ööhpehtæjjine jïh gærhkoe-toelhkine eelki. Hætta naan saalmh noerhtesaemien gïelese jarkoesti. Hætta saalmem “Du bassi sánát fámo divte” tjeeli. Daaroen saalmegærjesne hïeje-saalmem “ Å Gud, velsigna desse to” gaavnebe. Hætta dïhte dam tjeeli jïh daelie aaj daaroen gïelese jarkoestamme.
Sisvegen bïjre
Gærhkosne åatjobe ektievoetem nænnoestidh. Gosse Jeesus Kristusasse jaehkebe, dellie ektievoetem Jupmielinie jïh sinsitnine åadtjobe. Ij Jupmele sïjhth mijjieh kristegassjh edtjebe oktegh årrodh. Gyrhkesjimmesne ektievoete vååjnoe gosse ektesne jiehtebe guktie mijjen jaahkoe lea, gosse ektesne aejlies maalestahkem byöpmedibie jïh ektesne rohkelibie jïh laavlobe. Jeesuse jïjtje rohkelassem Mijjen Aehtjie mijjese ööhpeht
Gyrhkesjimmesne bijbelteeksth, prïeke, rohkelassh, saalmh jïh aejlies maalestahke. Fïerhten aejlegen akte aamhtese, guktie bijbelteeksth, prïeke jïh saalmh leah dan aamhtesen mietie. Laavkomen, skælloen, juvlemen jïh hïejen leah aaj liturgijh.
Saemieh gujht aavoedieh gosse saemien gïele gærhkosne govloe jïh saemien klaerieh, symbovlh, tjaalehtjimmieh, saalmh jïh musigkh saemien vuekiej mietie leah. Hijven gosse saemieh eah damth dah goh guessieh gosse gærhkosne leah. Gærhkoen åålmege jïh åålmegen raerie sijhtieh gaajhkesh edtjieh ussjedidh gærhkoe dej lea.
Guktie aajhtsebe gyrkesjimmie saemien gyrhkesjimmie lea? Gosse saemien gïele govloe? Gosse saemien gærhkoe-rïeseldahkh vååjnoeh? Gosse prïeke, rohkelassh, musigke jïh liturgije jeatjhlaakan leah? Gosse saemieh gærhkosne leah?
