Guktie kristeles årrodh
Dah voestes mah Jeesusasse jeehkin kristegassjine gåhtjoejin, juktie Jeesusem Kristusinie gåhtjoejin.
Gosse Jupmielasse jaehkebe, dellie Jupmielasse tjarkadibie jïh jearsoes libie. Dïhte vaajmoste båata. Ibie dam maehtieh baakoejgujmie buerkiestidh, ibie dam maehtieh vuesiehtidh jallh Universitetine goerehtalledh. Læjhkan maehtebe jaahkoen bïjre jïermestalledh jïh ussjedidh.
Såemies almetjidie geerve jaehkedh Jeesuse Jupmelen baernie. Ibie Jeesusem vuejnieh, daejrebe gujht guktie Jeesusen jielede lïj, dan bïjre Bijbelisnie tjaalasovveme.
Mestie datne Jeesusasse jaahkah? Såemies aejkien geerve Jeesusasse jaehkedh, guktie dam buerkiestidh?
Sisvegen bïjre
Bijbelisnie tjaalasovveme Jeesuse lea goh biejjie, jïh Jeesusen ååredæjja lea goh biejjie gosse dïhte faamojne guaka. (Jåhhan volverinie 1, 16)
Dah mah Jeesusasse jaehkieh kristegassjh leah. Mij dïhte, dïhte jaahkoe Jeesus Kristusasse?
Mov baaltegem bööremes eahtsam gosse dam dïenesjem, Assissen Franse jeehti. Ræjhkoes jielemem leehpi. Ledtieh, juvrh, sjædtoeh jïh moerh vïelline jïh åabpine gåhtjoeji. Lohkh Fransen åssjalommesh, jïh guktie Franse dejgujmie soptsesti.
