3. Aejlegem edtjh aejliestidh.
Mijjieh edtjebe Jupmelem vaetiestidh jïh iehtsedh, ollebe mijjieh gaavnesjimmiem Jupmelen baakoej bïjre ålkesth, bene baakoem aejlies utnebe, govlebe jïh dam lïerebe aavojne.
Jupmele elmiem jïh eatnemem sjugniedi govhte biejjine, jïh tjïjhtjeden biejjien liegkedi. Jupmele vööjni almetjh aejlegsbiejjiem daarpesji ihke aarkebiejjien raesseste jïh dieredimmeste gåhkalidh. Aejlegsbiejjiem aejlies utnedh sæjhta jiehtedh mijjieh edtjebe dam biejjiem Jupmielasse vedtedh. Datne maahtah gyrhkesjæmman vaedtsedh. Jallh datne maahtah eejhtegigujmie, voelpigujmie jallh jeatjabigujmie ektine rohkelidh, Bijbelisnie lohkedh jïh aamhtesi bïjre Bijbelistie soptsestalledh. Mijjieh earoehtibie jïh gaerhtebe Jupmelem gosse gyrhkesjæmman vaedtsebe, bijbelisnie lohkebe jïh rohkelibie.
Guktie dijjieh aejlegem heevehtidie?
Sisvegen bïjre
Dålle baahkem, tjoevkesem jïh lïhkesvoetem vadta. Dålle praedteste, dïhte jeala. Tjuara jïjnjem haarjanidh jis edtja buektiehtidh dålle buala gaajhkene lehkesne jïh gaajhke-såarhts vearoldisnie. Saemiengïelesne ovmessieh baakoeh dållesne utnebe, gosse ålkone. Man stoerre dålle lea, mah båeltemsmoerh, dajve gusnie dållem beaja jïh jïjnje jeatjah ovmessie nommh dållese vedtieh. Dållen bïjre daamtajommes gierkieh bïejebe, mah edtjieh viehkiehtidh dållem steeredh. Jupmele sov almetjidie gierkieh dej 10 båvrajgujmie vadteme.
Mij tjåådtje dejnie 10 båvrine? Jupmele Mosesasse båvride vedti juktie israjelen almetjidie viehkiehtidh hijvenlaakan ektesne jieledh.
Dålle baahkem vadta jïh lea akte iemie gaavnesjimmiesijjie mijjese.
