4. Aahtjemdh jïh tjædtjemdh galkh earoehtidh
Mijjieh edtjebe vaetiestidh jïh iehtsedh Jupmelem ollebe ålkesth jallh saejredh mijjen eejhtegh jïh jeatjebh, mejtie Jupmele mijjen bijjelen biejeme, bene dejtie dïenesjidh jïh goltelidh, iehtsedh jïh earoehtidh.
Naakenem earoehtidh lea dïhte seamma goh goltelidh, iehtsedh, dïenesjidh jïh viehkiehtidh. Earoehtimmie raeffiem jïh sïemesvoetem sjugnede, dovne siebriedahkesne jïh hïejmine. Gosse eejhtegidie earohth dellie datne dejtie krööhkh. Ih daarpesjh iktegisth dejgujmie sïemes årrodh, jïh dejtie dåarjodh saaht maam dah darjoeh.
Jis mijjieh naakenem iehtsebe dellie lyjhkebe dejtie, sïjhtebe dejtie viehkiehtidh jïh dejtie geerjehtidh. Maam datne maahtah darjodh jis dov eejhtegh edtjieh geerjene sjïdtedh?
Sisvegen bïjre
Dålle baahkem, tjoevkesem jïh lïhkesvoetem vadta. Dålle praedteste, dïhte jeala. Tjuara jïjnjem haarjanidh jis edtja buektiehtidh dålle buala gaajhkene lehkesne jïh gaajhke-såarhts vearoldisnie. Saemiengïelesne ovmessieh baakoeh dållesne utnebe, gosse ålkone. Man stoerre dålle lea, mah båeltemsmoerh, dajve gusnie dållem beaja jïh jïjnje jeatjah ovmessie nommh dållese vedtieh. Dållen bïjre daamtajommes gierkieh bïejebe, mah edtjieh viehkiehtidh dållem steeredh. Jupmele sov almetjidie gierkieh dej 10 båvrajgujmie vadteme.
Mij tjåådtje dejnie 10 båvrine? Jupmele Mosesasse båvride vedti juktie israjelen almetjidie viehkiehtidh hijvenlaakan ektesne jieledh.
Dålle baahkem vadta jïh lea akte iemie gaavnesjimmiesijjie mijjese.
