5. Aellieh buvvieh.
Jupmele dïhte, mij mijjese jieledem vadteme. Jïh dïhte mijjen jieleden bïjre reerie. Ibie mijjieh leerhkh! Ibie leah gan mijjieh mah mijjen jieleden bïjre muenieh.
Vïjhtede båvra lea aaj irhkemen, sierrestallemen jïh assjoen bïjre. Mijjieh maehtebe nåake baakoeh jiehtedh mah jeatjabidie saejriedieh. Naemhtie datne jieleden sjijlem mubpien luvnie jamhkele. Akte baakoe jallh væssjojes tjelmieh maehtieh jamhkelidh.
Guktie datne maahtah noerh viehkiehtidh mah irhkesuvvieh jallh sierrestallemem dååjresieh?
Sisvegen bïjre
Dålle baahkem, tjoevkesem jïh lïhkesvoetem vadta. Dålle praedteste, dïhte jeala. Tjuara jïjnjem haarjanidh jis edtja buektiehtidh dålle buala gaajhkene lehkesne jïh gaajhke-såarhts vearoldisnie. Saemiengïelesne ovmessieh baakoeh dållesne utnebe, gosse ålkone. Man stoerre dålle lea, mah båeltemsmoerh, dajve gusnie dållem beaja jïh jïjnje jeatjah ovmessie nommh dållese vedtieh. Dållen bïjre daamtajommes gierkieh bïejebe, mah edtjieh viehkiehtidh dållem steeredh. Jupmele sov almetjidie gierkieh dej 10 båvrajgujmie vadteme.
Mij tjåådtje dejnie 10 båvrine? Jupmele Mosesasse båvride vedti juktie israjelen almetjidie viehkiehtidh hijvenlaakan ektesne jieledh.
Dålle baahkem vadta jïh lea akte iemie gaavnesjimmiesijjie mijjese.
