7. Aellieh sualedh.
Sualadidh lea maam akt jeatjabistie vaeltedh mij ij leah dov. Sualadidh maahta jïjnjem årrodh – beetnegh baanghkeste sualadidh jallh daatamaasjinam aktede kontovristie vaeltedh jallh skubpegem ”löönedh” bielelen aajhtere dam daajra, jïh ”åajaldidh” dam bååstede vedtedh. Maahta aaj årrodh maam akt jeatjabistie nollelidh jïh aarvoeh vaeltedh mejtie ibie jïjtje eekh. Bijbele aaj jeahta, ibie edtjh mubpede boelveste sualadidh. Guktie gåarede mubpede boelveste sualadidh?
Sisvegen bïjre
Dålle baahkem, tjoevkesem jïh lïhkesvoetem vadta. Dålle praedteste, dïhte jeala. Tjuara jïjnjem haarjanidh jis edtja buektiehtidh dålle buala gaajhkene lehkesne jïh gaajhke-såarhts vearoldisnie. Saemiengïelesne ovmessieh baakoeh dållesne utnebe, gosse ålkone. Man stoerre dålle lea, mah båeltemsmoerh, dajve gusnie dållem beaja jïh jïjnje jeatjah ovmessie nommh dållese vedtieh. Dållen bïjre daamtajommes gierkieh bïejebe, mah edtjieh viehkiehtidh dållem steeredh. Jupmele sov almetjidie gierkieh dej 10 båvrajgujmie vadteme.
Mij tjåådtje dejnie 10 båvrine? Jupmele Mosesasse båvride vedti juktie israjelen almetjidie viehkiehtidh hijvenlaakan ektesne jieledh.
Dålle baahkem vadta jïh lea akte iemie gaavnesjimmiesijjie mijjese.
