8. Aellieh slognesth.
Mijjieh edtjebe Jupmelem vaetiestidh jïh iehtsedh, ollebe mijjien mubpien biehtieh jallh faelskieslaakan dan bïjre soptsesth, bene disse aanteges vedtebe, dan bïjre hijvenlaakan soptsestibie jïh gaajhkem dam bööremes mielesne vaeltebe.
Dïhte sæjhta jiehtedh, ibie edtjh slognestidh jeatjabi bïjre jallh såaltjh soptsestidh. Akte såaltje maahta saejredh dam mij dam dååjrehte. Såaltjh dah gujht sïjhtieh sjïdtedidh, jïh geerve dejtie tjöödtjestidh. Dannasinie- aellede nåake-laakam jeatjabi bïjre soptsesth. Jis datne sïjhth daejredh mij lea saatnan akten almetjen bïjre, gihtjh amma almetjem. Naemhtie vaane-sovmh åarkesth.
Datne naan aejkien saetniesvoetem dov sisnie steereme gosse byöreme dam soptsestamme? Mannasinie numhtie sjïdti? Billih bielhkehtassem åadtjodh?
Sisvegen bïjre
Dålle baahkem, tjoevkesem jïh lïhkesvoetem vadta. Dålle praedteste, dïhte jeala. Tjuara jïjnjem haarjanidh jis edtja buektiehtidh dålle buala gaajhkene lehkesne jïh gaajhke-såarhts vearoldisnie. Saemiengïelesne ovmessieh baakoeh dållesne utnebe, gosse ålkone. Man stoerre dålle lea, mah båeltemsmoerh, dajve gusnie dållem beaja jïh jïjnje jeatjah ovmessie nommh dållese vedtieh. Dållen bïjre daamtajommes gierkieh bïejebe, mah edtjieh viehkiehtidh dållem steeredh. Jupmele sov almetjidie gierkieh dej 10 båvrajgujmie vadteme.
Mij tjåådtje dejnie 10 båvrine? Jupmele Mosesasse båvride vedti juktie israjelen almetjidie viehkiehtidh hijvenlaakan ektesne jieledh.
Dålle baahkem vadta jïh lea akte iemie gaavnesjimmiesijjie mijjese.
