Aellieh mubpien eekese njaahtjoeh
Ij leah aelhkie jååhkesjdih jeatjebh vielie utnieh goh jïjtje åtna. Njaahtjodh lea seamma goh sååjresjidh.
Guktie lea gosse vaatneske?
Sisvegen bïjre
Dålle baahkem, tjoevkesem jïh lïhkesvoetem vadta. Dålle praedteste, dïhte jeala. Tjuara jïjnjem haarjanidh jis edtja buektiehtidh dålle buala gaajhkene lehkesne jïh gaajhke-såarhts vearoldisnie. Saemiengïelesne ovmessieh baakoeh dållesne utnebe, gosse ålkone. Man stoerre dålle lea, mah båeltemsmoerh, dajve gusnie dållem beaja jïh jïjnje jeatjah ovmessie nommh dållese vedtieh. Dållen bïjre daamtajommes gierkieh bïejebe, mah edtjieh viehkiehtidh dållem steeredh. Jupmele sov almetjidie gierkieh dej 10 båvrajgujmie vadteme.
Mij tjåådtje dejnie 10 båvrine? Jupmele Mosesasse båvride vedti juktie israjelen almetjidie viehkiehtidh hijvenlaakan ektesne jieledh.
Dålle baahkem vadta jïh lea akte iemie gaavnesjimmiesijjie mijjese.
