Laavkome sakramente lea

Laavkome sakramente lea. Sakramente dïhte vuesehte Jupmele maam joem mijjine vuj mijjese dorje, jïh dam ibie tjelmiejgujmie vuejnieh.

Orre testamentesne tjaalasovveme Jesus Kristuse stilleme edtjebe laavkodh. Mahte gaajhkesh mah kristeles leah, abpe eatnamisnie, jiehtieh “Aehtjien, Baernien jïh Aejlies Voejkenen nommesne” gosse laavkoemisnie tjaetsiem gåajvoestieh. Jaehkebe mijjieh Aejlies Voejkenem åadtjobe gosse lååvkesovvebe. Jaehkebe Jupmele maam joem mijjine dorje gosse lååvkesovvebe.

Kristh-eeghtegi dïedte lea vïhnesjidh maana lååvkesovveme lea jïh maanam viehkiehtidh gosse byjjene. Kristh-eejhtegh gelkieh 15 jaepien båeries årrodh jïh Nöörjen gærhkoen jaahkoe laavkomen bïjre nænnoestidh. Noen ønsker å døpe barnet like etter fødselen. De ønsker at barnets forhold til Gud er i orden i tilfelle noe skulle skje barnet.

Såemesh sijhtieh maanide dallah baersieldimmien mænngan laavkodh. Dah sijhtieh maanah edtjieh Jupmelen maanine årrodh mejtie sån mij akt nåake maanese sjædta.

Gosse maana lååvkesåvva dellie Jupmelen maanine sjædta jïh Jupmielinie ektiedamme – jïh kristh-eejhtegigujmie. Dam ektievoetem sijhtieh sijjen gåetesne damtedh.

Maanide gåetesne laavkoeh juktie numhtie vuekie muvhtene lehkesne vuj gosse maana skïemtje lea jïh eejhtegh maanine bïllijægan.

Guktie lea kristh-eejhtegi dïedte?
 

Tjaetsie dovne jaahkoe-ööhpehtæmman jïh beajjetje jieliemasse vihkele.

Tjaetsie lea faamoen gaaltije jïh jieledem vadta. Tjaetsie gaaltijisnie. Aerebi goh eatneme sjugniehtovvi, tjaetsie desnie. Såårnesovveme tjaetsie jïh Jupmelen Voejkene desnie ligan aerebi goh gaajhke sjugniehtovvi.

Laavkoemisnie tjaetsie. Lutheren gærhkosne sïejhme maanide laavkodh. Daelie sïejhme dovne noere jïh geerve almetjh laavkodh. Gosse maanah lååvkesuvvieh, dellie dïhte gie dejtie lååvke tjaetsiem golmen aejkien dej åejjiej nille gååjve jïh Aehtjien, Baernien jïh Aejlies Vojkenen nommesne dejtie lååvke. Jis Jupmelen baakoeh eah govlh gosse laavkoeminie, dellie tjaetsine aajve tjaetsie lea. Laavkomen tjaetsie aejlies sjædta Jupmelen baakoej tjïrrh. Gosse maanah gåetesne lååvkesovveme, dellie tjaetsie laavkomen mænngan olkene leejhkie gåetien luvlielasse jallh mubpien sæjjan gusnie ij gie vaedtsieh.

Gærkoen voestes biejjieh dallah skyllin laavkomen mænngan. Buerebe laavkomem skællojste juekedh. Jïh dellie skælloe sjïere sijjiem åadtjoeji jïh dan mænngan sakramentine sjïdti goh laavkome. Fïerhten jaepien mahte 40 000 noere almetjh Nöörjen gærhkosne skylloeh.