Jeesusen maadtoeh

Jupmele sæjhta orre boelvh edtjieh båetedh. Jeesusen aaj maadtoeh jïh slïekte. Bijbelisnie lohkebe Jeesusen maadtoej bïjre Abrahamen raejeste.

Daesnie såemies Jeesusen maadtojste Daviden raejeste:

Davide lïj gånka, Jisrajelen stööremes gånka. Judan boelveste lïj. Altese maadter-aajja lïj Bohas jïh maadter-aahka Rute.  Aehtjh-aajja lïj Obed. Daviden aehtjie lïj , Isaje, gie Betlehemeste lïj. Dan lin 8 baernieh. Davide lïj nööremes dejstie vïellijste. Daviden mænngan Salomo gånkine sjïdti. Dïhte lïj Daviden jïh  Batseba. aajjuvh aahkuvh åadtjoejigan. Akte dejstie lïj Rehabeam, gie gånkine sjïdti altese aehtjie Salomon mænngan. Rehabehamen mænngan  altese eelkie Abijame gånkine sjïdti. Abijame lïj Daviden maadter-aajjuve jïh Batseban maadter-aahkuve. Daviden boelvi bïjre Jeesusen raajan maehtebe Bijbelisnie lohkedh.

Bijbele dovne jielede- jïh daajroe-moeren bïjre soptseste. Daajroe-moeren lea daajroe buerievoete jïh nåakevoeten bïjre. Bijbelisnie jïjnjh jortesh, sijhtieh buerkiestidh doen jïh daan bïjre. Jeesuse åehpies aamhtsi bïjre soptsesti gosse buerkeste gie satne lea. Akten aejkien såårne satne goh vïjne-moere lea, jïh almetjh goh dan åeksieh.

Såekieh gaajhkene lehkine mijjen dajvesne. Såekien leah roehtse, åeksieh jïh lasth. Dïhte rïektes jïh jolle gosse suajesne sjædta, jïh gåangkan gosse beagkoes sijjesne. Såekiem garre-duadtan utnebe. Dam utnebe aaj moerine jïh faasojne. Såekie lea goh almetjen jielede, dïhte vijries sjædta, badth akte moere lea. Såekien leah roehtsh, jïh dellie stynkehke lea. Seammalaakan almetjinie, maadtoeh leah mijjen roehtsh.

Jeesuse kroessese noeresovvi. Kroesse moereste lea, jïh gosse Jeesuse jaemiedistie tjuedtjieli kroesse vitneme-væhtine sjïdti. Gosse Jeesuse kroesse-moerese jeemi, dellie gaajhkh almetjidie gorredi.