Sjïere jupmele-gaagkestimmieh.

Muvhtene sijjesne gosse gyrhkesjieh, dellie båeries saalmh laavloeh, muvhtene jis hip-hop jïh muvhtene gåabpatjahkide. Gærhkosne lea jupmele-gaagkestimmie, laavkome, skælloe, pruvreme jïh juvleme. Dellie vuejnebe guktie mijjen jaahkoe lea. Gosse gyrhkesjibie, dellie Jupmelem gaavnedibie gosse Jupmelem heevehtibie jïh Jupmielasse rohkelibie. Jupmele mijjese soptseste prïeken tjïrrh.

Nöörjesne gaagkestimmieh aejlegen tsåahka 11.00, juktie Jeesuse aejlegen jaemiedistie tjuedtjieli. Båantide sjeahta tsåahka 11.00 gyrhkesjidh, juktie dellie galhkeme govside buhtjedh. Naan aejkien iehkeds-biejjien jallh iehkeden gyrhkesjibie.

Maam datne daajrah dov gærhkoe-histovrijen bïjre?

Gærhkosne åatjobe ektievoetem nænnoestidh. Gosse Jeesus Kristusasse jaehkebe, dellie ektievoetem Jupmielinie jïh sinsitnine åadtjobe. Ij Jupmele sïjhth mijjieh kristegassjh edtjebe oktegh årrodh. Gyrhkesjimmesne ektievoete vååjnoe gosse ektesne jiehtebe guktie mijjen jaahkoe lea, gosse ektesne aejlies maalestahkem byöpmedibie jïh ektesne rohkelibie jïh laavlobe. Jeesuse jïjtje rohkelassem Mijjen Aehtjie mijjese ööhpeht

Gyrhkesjimmesne bijbelteeksth, prïeke, rohkelassh, saalmh jïh aejlies maalestahke. Fïerhten aejlegen akte aamhtese, guktie bijbelteeksth, prïeke jïh saalmh leah dan aamhtesen mietie. Laavkomen, skælloen, juvlemen jïh hïejen leah aaj liturgijh.

Saemieh gujht aavoedieh gosse saemien gïele gærhkosne govloe jïh saemien klaerieh, symbovlh, tjaalehtjimmieh, saalmh jïh musigkh saemien vuekiej mietie leah. Hijven gosse saemieh eah damth dah goh guessieh gosse gærhkosne leah. Gærhkoen åålmege jïh åålmegen raerie sijhtieh gaajhkesh edtjieh ussjedidh gærhkoe dej lea.

Guktie aajhtsebe gyrkesjimmie saemien gyrhkesjimmie lea? Gosse saemien gïele govloe? Gosse saemien gærhkoe-rïeseldahkh vååjnoeh? Gosse prïeke, rohkelassh, musigke jïh liturgije jeatjhlaakan leah? Gosse saemieh gærhkosne leah?