Sylvia jïh Sagka Sparrock aejlegsbiejjien vaentjeleteekstem åarjelsaemien gïelesne lohkijægan. Foto: Maria Eddebo Persson.
Foto: Maria Eddebo Persson
Åålmegegåetie dïeves sjïdti dan laavadahken gosse almetjh båateme juktie saemien åålmegebiejjiem heevehtidh jïh Hïngsedaelien Ejvam goltelidh, guhte lea arkeologe Gaaltijisnie – Saemien kulvuvre- jïh bïevnesejarnge, guhte saemien kultuvredajven bïjre lohkehti.
Satne soptsesti dan sov barkoe saemien kultuvremojhtsh goerehtalledh Jïemhtesne jïh Härjedaelesne. Daan raajan 10 000 mojhtsh goerehtamme. Dïhte mij satnem stuvrie barkedh lea gaajhkh ovreaktah mejtie saemiej vuestie dorjeme.
- Mannasinie akten dåehkien histovrije vihkelåbpoe mubpeste? Vïhkeles saemien histovrijem lutnjedh dååhkasjehtedh jïh ij amma histovrijem njyöjkedh.
Jïjnje gïeltegh gaavnemh
Ewa Ljungdal lea 20 jaepine saemien arkeologijine barkeme. Men ij goh akte gännah mij bööremes sov gaavnemisnie.
- Gïeltemes mov mïelesne man jijnjh tjåenieh jïh sijjieh leah, ij naan sjïere, jïh luste dah gujht aaj dan båeries.
Biejjesne dovne itjmie jïh luste. BispeTuulikki Koivunen Bylund soptsesti sov bïjre, tïjjen bïjre goh bispene barkeme jïh gukie ij goh eensi laakan haarjanamme bispekroessem jïh bispeklaahkam guedtedh.
- Jirreden hov edtjede vuejnedh man væjkele manne sjïdteme klaahkine vaedtsedh, bispe Tuulikki jeahta jïh gaajhkesh föörhkestieh.
Kyrka i samiska färger
Alexandra Björklund och Tove Eriksson stod för underhållningen lite senare på kvällen, när de båda sjöng och spelade gitarr och fiol. De hade gjort om gamla poplåtar som Beatles Yesterday i egna versioner som var mycket uppskattade.
Firandet av nationaldagen fortsatte även på söndagen. Dagen inleddes med en mässa i Hotagens kyrka som var fint smyckad samiska färger. Evangelietexten lästes på sydsamiska och alla psalmer sjöngs på samiska.
Åsa Virdi Kråik, religionshistoriker, avslutade helgen med att berätta om olika samiska riter.
Gærhkoe saemien klaeriejgujmie
Alexandra Björklund jïh Tove Eriksson faepieldigan gosse iehkedisnie laavloejigan jïh gitarrem jïh fijolem spealadigan. Dah guaktah gujht båeries poplaavlomh goh Beatles Yesterdah jïjtse vuekien mietie dorjeme jïh novh gujht gaertieldihkie dah laavlomh.
Aejlegen lij aaj heevehtimmie. Dellie lij voestemes gyrhkesjimmie Hotagen gærhkosne. Gærhkoen tjaebpies rïeseldahkesne saemien klaeriejgujmie. Vaentjeleteekstem åarjelsaemien gïelesne lohki jïh gaajhkh saalmh saemien gïelesne laavloejin.
Virdi Kruehkien Ååsa, religovnehistovrijedaejrije, lij minngemes dan hïeljen daehpadimmesne jïh satne ovmese saemien vuekiej bïjre soptsesti.
Maria Eddebo Persson