Sydsamiska (pdf, 127 kB)

Gärhkoeveeljeme skiereden 18 b: n.

Datne dihte mij åadtjoeh veeljedh.

Sveerjen gärhkosne 7,2 miljonh lihtsegh, jih almetjh meatan mejtie diedtem utnieh gärhkoem öövtiedidh båetije beajjan. Skiereden 18.b:n gaajhkh lihtsegh mah 16 jaepien båeries sjidteme

jih Sveerjesne tjaalasovveme nuepiem utnieh skraejriehtidh gieh edtjieh luhpiem utnedh Sveejen gärhkoem stuvredh dah båetije njieljie jaepieh.

Sveerjen gärhkoe sjiere barkoem åtna jih joekoen jijnjnh barkoeh. Gärhkoe säjhta sijjie årrodh gyhtjelasside jih soptsestimmide, sijjie gusnie ektesne årrodh, voejkenem jih Jupmelem gaavnedh. Gärhkoe mij håhkoem vaadta jih barka juktie  fierhtenen almetje edtja hijven vaajmosne utnedh. Gärhkoe mij gaahpene jih dihte barka almetjidie mah nåake utnieh. Gusnie vierhtiemaadtoe kristeldahken mietie jih guktie almetjh hijven ussjedh nemhtie edtja gärhkoe barkedh, daesnie mijjen rijhkesne jih ålkoelaantine, aavosne jih sårkosne, aarkebiejjine jih aejlegsbiejjine.

Gusne edtja Sveerjen gärhkoe stööremes barkoem biejedh?

Sijjine årrodh gusnie goerpe jih ovlahkoe?

Kristedh, skylledh, pruvredh jih boernedidh?

Voeres, skiemtjes jih oktegs almetjh gaavnedidh?

Gyhtjelassine mejtie almetjh jeatja laanteste diekie juhteme?

Jåvlem, påaskem jih pinsem heevehtidh?

Byjresebarkoe?

Gärhkoegåetieh urriestidh?

Riekteslaakan åesistidh?

Musigkebarkoe maanide jih noere almetjidie?

..............................?

Gärhkoeveeljeme skiereden 18 b:n

Gärhkoeveeljemisnie skiereden 18b:n datne veeljh mejnie Sveerjen gärhkoe edtja båetije nieljie jaepine barkedh. Giesse luhpiem vedtieh? Veeljemebiejjesne gielem biejh veeljemetjiehtjelisnie gusnie dihte lea, daam  gieleleahpesne tjaalasovveme jih daam påasten tjirrh åadjoeh minngemes mietsken 31 b:n. Desnie aaj tjaalasovveme jis veeljemebiejjesne sjiere gieledåastoesijjie gååvnesh. Datne aaj maahtah veeljemebiejjien åvtelen gielem vedtedh.

 

Gärhkoeveeljeme golme jallh niejljie veeljeme leah

Gärhkoeveeljemisnie golme jallh nieljie veeljemisnie gielem biejh, guktie vååjnoe dov lihkesbijre åårganisasjovnesne dennie gärhkoetjåangkesne gusne datne årroeminie:

1) gärhkoeståvroe jallh dallegh veeljeme gärhkoeraerie.

Daesnie gyhtjelassine barkieh mejtie dov gärhkoetjåangkesne vihkeles leah, vuesehte gaavhtan barkojne mejnie barkoeminie jih magkeres ulmieh gärhkoetjåangkoe edtja jaksedh.

2) ektine gärhkoeståvrojne

Jijnjh aejkieh gellie gärhkoetjåangkoeh ekonomijen jih administrasjovnine ektesne barkieh. Ektie gärhkoeståvroe nännosti vierhtiej jih gåetiej bijre jih nimhtemes.

3) Stifteståvroe

Sveerjen gärhkoe golmeluhkie stiftine juakeme. Fierhtene stifte bispem åtna. Stiften diedte lea gärhkoetjåangkoeh duedtedh jih barkoem öövtiedidh.

4) Gärhkoetjåahkoe

Gärhkoetjåahkoe lea gärhkoen jillemes nännoestimmie åårgane 251 lihtsegi gujmie. Daesnie ektie gyhtjelssi bijre nänneostieh vuesehte gaavhtan gärhkoen tjaaleh-luhpieh, jih dovne dah gyhtjelassh kristedh, skylledh, pruvredh jih boernedh.

Magkeres veeljeme datne maahtah darjodh veeljemeleahpesne lohkh.

Organisationsskiss

Direkta val till	=	Dallegh veeljeme
Nationell nivå	=	Naasjovne daltese
Kyrkomötet	=	Gärhkoetjåahkoe
Kyrkostyrelsen	=	Gärhkoeståvroe
Regional nivå	=	Reegijovne daltese
Stiftsfullmäktige	=	Stiftedeaveståvroe
Stiftsstyrelse	=	Stifteståvroe
Lokal nivå	=	Lihkes bijre daltese
Lokal nivå när församlingen ej ingår i samfällighet	=	Lihkes bijre daltese gosse gärhkoetjåangkoeh eah leah meatan
Lokal nivå när församlingen ingår i samfällighet	=	Lihkes bijre daltese gosse gärhkoetjåangkoe  meatan leah
Samfällda kyrkofullmäktige	=	Ektie gärhkoedeaveståvroe
Kyrkonämnd	=	Gärhkoemoenehtse
Kyrkofullmäktige	=	Gärhkoedeaveståvroe
Kyrkoråd	=	Gärhkoeraerie
Direktvalt kyrkoråd	=	Dalleghveeljeme gärhkoeraerie
Kyrkostämma	=	Gärhkoetjåahkoe
Så här fungerar det	=	Naemhtie edtja årrodh
Grå rutor = de organ till vilka vi väljer i kyrkovalet. Helfyllda vita och grå rutor = de beslutande organen. Streckade rutor = de verkställande organen. Direktvalt kyrkoråd är både beslutande och verkställande.	=	Kraevies skaavhtegh= dah åårganh mejtie mijjieh gärhkoeveeljemasse veeljin. Deave veelkes jih kraevies skaavhtegh= dah nännoestimmieh åårganh. Dah krosseskaavtegh = dah barkoe åårganh. Gärhkoeraerie mejtie dallegh veeljeme dah dovne nännoestimmie jih barkoe åårganh.
Du som är röstberättigad röstar i tre eller fyra val, det vill säga till Kyrkomötet, till stiftsfullmäktige och till ett eller två lokala organ beroende på om församlingen tillhör en samfällighet eller inte.	=	Datne gieh åadtja veeljedh nuepiem åtna golme jallh njieljie veeljeminie gielem biejedh, Gärhkoetjåahkose, stiftedeaveståvrose jih akten jallh göökten lihkesbijre åårganide jih jis gärhkoe-tjåangkose ektesne lea.

 

Veeljedh

Gielem vedtedh seamma vuekine goh dah siejhme veeljeminie. Datne tjoerh gieleleahpam nuhtjedh jis veeljemebiejjien åvtelen gielem vedttieh jih jis sjiere gieledåastoesijjine gielem vedth.. Jis veeljemetjiehtjelisnie gielem vedth dellie aaj tjoerh gieleleahpam meatan vaeltedh.

Veeljemebiejjesne skiereden 18 b:n

Veeljemetjiehtjelisnie

Gieleleahpesne maahtah lohkedh gusnie veeljemetjiehtjele jih gåessie dihte gaahpene.

Sjiere gieledåastoesijjie

Muvhtene aaj sjiere gieledåastoesijjie tsegksovveme. Jis naemhtemes gååvnesh veeljemebiejjesne dellie maahtah gieleleahpesne lohkedh gusnie sijjie jih gåessie gaahpene leah.

Veeljemebiejjien åvtelen

Ekspedisjovnh abpe rijhkesne

Skiereden 5 b:n jih 14 b:n gaskoeh maahtah gielem åvtelen vedtedh pastors-/ jih gärhkoetjåangkoe-ekspedisjovnine abpe rijhkesne. Vielie saernieh maahtah åadtjodh dov gärhkoetjåangkosne gusnie gielem sijhth vedtedh.

Sjiere gieledåastoesijjie

Maehtieh dovne sjiere gieledåastoesijjie utnedh gusnie gielem maahtah vedtedh gieleveeljemebiejjien åvtelen. Bieljelh dov gärhkoetjåangkoem jih govlh magkeres nuepieh åtna.

Prievien tjirrh gielem vedtedh

Jeatja vuekiem åtna  prievien tjirrh gielem veeljemen åvtelen vedtedh. Dellie ”prieviegielevadtesem” darpesjh utnedh jih daam pastors-/ gärhkoetjåangkoste maahtah dängkodh. Dejnie sisvegisnie gaajhkem gaavnh,  dovne gåaroes veeljemeleahpa mejtie jijtje maahtah tjaeledh. Siejmetji maahtah gieleleahpah åadtjodh mejtie joe tjaalassovveme nomineringsdåehkeste. Dov prieviegielem tjoeverin skiereden 14b:n åvtelen utnedh.

Dijren tjirrh gielem vedtedh

Dijren tjirrh gielem vedtedh seamma vuekine goh prievien tjirrh, daate voestemes vuekie disse gie gieletjiehtjelisnie edtja gielem vedtedh men ij maehtieh veeljemebiejjesne. ”Pieviegielevadtesen” sisvegisnie gaajhkem gaavnh gosse gielem dijren tjirrh vedtieh.

Giejtie gielem vedtedh?

Gärhkoeveeljemisnie nomineringsdåehkese gielem vedth, seamma goh paartijjh siejhme veeljemisnie. Datne aaj maahtah gielem aajne almetjasse vedtedh, kroessem biejh  kaandidatese nomineringedåehkien lästosne disse giem eermes sijhth veeljedh.

Nomineringedåehkieh jijtje saernieh vedtieh guktie gärhkoe edtja barkedh båetije biejjine, gusnie Sveerjen gärhkoe edtja faamoem biejedh. Giejdie dåehkide gielem vedtedh maahtah siejmetji gärhkoetjåangkoen tjirrh daejredh. Lästoeh aaj daesnie gååvnesh www.svenskakyrkan.se

Mejtie  veeljeme vuesehte

Annjebodts veeljemevuesehte maahtah www.svenskakyrkan.se vuartasjidh dan männgan gosse ryökneme, gåessie veeljemetjiehtjelh gaaptjeme. Minngemes vuesiehtimmie maahtah vuejnedh daesnie www.svenskakyrkan.se gosse stifth vihth gaajhkh gielh ryökneme.

Dov gieleleahpa

Datne gie gielem åadtjh vedtedh galka minngemes mietsken 31 b.n gieleleahpam gåatan åadtjome. Gieleleahpesne laavenjassh dov bijre tjaaleme jih mejtie veeljemindie åadtjh veeljedh, jih gusnie jih gåessie åadtjh veeljedh.

Jis gieleleahpam dasseme jallh miste sisvege, dellie maahtah Gärhkoeståvrose bieljelidh, Svenskakyrkan 751 70 Uppsala, 018-16 96 00 (Saernieviehkie), jallh orre dängkodh daesnie www.svenskakyrkan.se. Dihte gie ij naan gieleleahpam åadtjome, dihte aaj gärhkoeståvroem bieljele.

Gieleleahpam dov tjaalessäjjan sedtieh. Gieleleahpam maam guelmiehtehteme maehtieh faaksen tjirrh sedtedh gärhkoetjåangkose gusnie gielem vedth jih Sveerjen gärhkoen ålkolaantengärhkoetjåangkose.