Reakta second opinionese åtna
Jis dåakteren luvnie orreme jïh skïemtjelassedïjrem åådtjeme mestie gïerve medisijneles sjæjsjalimmiej uvte tjåådtje maahta reaktam utnedh medisijneles vuarjasjimmiem orrestidh jeatjah dåaktarinie enn dïhte gie voestes goerehti, maam gohtje second opinione. Second opinionine dellie vihties årrodh lea dam hoksem jïh båehtjierdimmiem åådtjeme maam jïjtsasse sjïehtedi.
Reaktam second opinionese åtna jis
- jielemeaajhtseme jallh joekoen ålvas skïemtjelassem jallh skaaram åtna jïh
- diagnose jallh evtiedamme båehtjierdimmie maehtieh sjïere vaahrah vedtedh jallh båetije jielemekvaliteetem tsevtsedh.
Vuesiehtimmien gaavhtan maahta reaktam utnedh second opinionese jis cancerem jallh skïemtjelassem neervesystemisnie. Maahta eejnegen jïjtse dåakterem gihtjedh jis nuepiem åtna second opinionem åadtjodh.
Hïejmelaantedigkie maaksa
Daamhtemes åådtje dåakterem jallh hoksetjïertem råakedh jeatjah skïemtjegåetesne enn mïsse voestes mïnni dennie laantedigkesne gusnie årroeminie. Jis vaajtelassh åtna sjïere dåaktarasse jallh klinihkese Sveerjesne båetedh, dellie laantedigkien dïedte, gusnie årroeminie, mubpie medisijneles vuarjasjimmiem maeksedh, jïlhts tjuara jeatjah laantedægkan vuelkedh. Hïejmelaantedigkien dïedte aaj feelememaaksovem maeksedh.
Gåabph maahta jarredh?
Jis sæjhta second opinionem ohtsedidh maahta jïjtje dåakterem gihtjedh jallh jeatjah tjirkijem dennie dåastoevisnie gusnie voestes medisijneles vuarjasjimmiem åådtjeme gåabph maahta gyhtjelassem buektedh.
Maahta aaj skïemtjijemoenehtsem jallh skïemtjijetjirkijem gaskesadtedh dennie laantedigkine gusnie årroeminie guktie bïevnesh åadtjodh gåabph maahta jårredh jïh second opinionem åadtjodh.
Lohkh vielie: Jis ij hoksem fuakah?
