Handlesekk |
 |
|
|
Dah mubpien bealan vuartasjieh
- Mij dïhte neerrehtimmie jïh guktie dam orrijehtedh
Anne Lene Turi & Margrethe Bals
Boka er på sørsamisk
 Jis mijjieh gaajhkesh åssjoem neerrehtimmien bïjre jarkoestibie dellie vïenhtebe buektiehtibie neerrehtimmiem orrijehtedh. Gærja lea noeride. Gærja aaj galka learoehkidie jïh lohkehtæjjide haestedh edtjieh ussjedalledh jïh digkiedidh mij neerrehtimmie lea, jïh mannasinie mijjieh neerrehtibie. Gaajhkesh, dovne maanah, noerh jïh geervealmetjh leah neerrehtimmiem vaaseme. Neerrehtimmie lea skuvli jïh aaj siebredahki dåeriesmoere. Ulmie lea neerrehtimmien bïjre åssjoem juhtiehtehtedh. Daate lea voestes gærja dennie tjaalegeraajterisnie maam ČálliidLágádus buakta.
Anne Lene Turi (r. 78) jïh Margrethe Bals (r. 76) lægan jaepien 2003 raejeste maanajjïh noeri psykologinie barkeme. Daelie lægan dåakterestipendiatine Romsen Universitetesne jïh Noerhte-Nöörjen Universiteten skïemtjegåetesne Romsesne barkeminie.
|
|
|
