Vuepsieh jih
Åejvietsiehkieh
Vuepsieh 1.-s daltesistie 4.-n daltesasse
Gïeline gaavnedidh
Learohkh gelkieh saemien gïelesne daajroeh jih maahtoeh åadtjodh jih jïjtjh gïele-övtiedimmine barkedh, eensi baakoelåhkoem åadtjodh jih gïelen jïjtjetjirkemem övtiedidh, gielem maehtedh soptsestidh jih tjaeledh. Learohkh gelkieh saemien lidteratuvren jih vaajesi bïjre maehtedh soptsestidh jih jeatjebigujmie juekedh.
Åejvietsiehkieh 1.-s daltesistie 4.-n daltesasse
1. daltese/aarh-skuvle
Gïeline geavnedidh
Lohkehtimmesne gelkieh learohkh
- Giehtjedidh jih voejhkelidh baakoeh, tjoejenassh, rijmh jih baakoeraajroeh vuejnedh jih govledh.
- Tjihtesh, rijmh jih vaajesh buektedh.
- Dïjrh dåastodh jih åehpies aamhtesi bïjre vaestiedidh, v.g. jïjtse bïjre, fuelhkien bïjre.
- Baakoejgujmie stååkedidh, vuesiehtimmine vihties baakoeh maehtedh gaavnedh jih baakoej tjoejenassh buektedh. Klaassesne jih jeatjah lehkine symbolh, baakoeh, låhkoeh jih tjae lemem vuejnedh.
- Goltelidh gosse vaajesh saemien lihkes voengeste lohkeminie.
- Daamts baakoeraajesh guarkedh, buarastehtedh jih laahkoestidh.
- Dååjrehtalledh vyöhkesadtedh joejkedh, laavlodh, tjoejehtidh jih stååkedidh.
- Dååjrehtalledh jïjtsh baakoeh tjaalasuvvieh.
2. daltese
Gïeline gaavnedidh
Lohkehtimmesne gelkieh learohkh – goltelidh gosse vaajesh lohkeminie
- Lierehtalledh guktie saemien jiehtedh jih guktie gïelen vuelie tjihtesinie jih baakoeraajrojne govloe.
- Lierehtalledh daamts stillemh, gyhtjelassh, saerniestimmieh jih bihkehtsh maehtedh guarkedh jih buektedh gïelen joejenassh jih baakoeh giehtjedidh, tjaeleme-otnjegem lïeredh, baakoeh hammoedidh jih damtijidh.
- Soptsestimmesne saemiestidh jih eadtjalgovvedh gihtjedh maam eah guarkah jallh man bïjre onterdieh, lierehtalledh bihkedidh jih bihkehtsh jih jeatjah saerniestimmieh buektedh jih dåastodh.
- Lierehtalledh gærjagåetiem utnedh viehkiem åadtjodh gærjah ohtsedidh.
- Lierehtalledh rijmh, vuelieh jih jeatjah teeksth lohkedh, v.g. håaledåehkine jih draamine.
- Viehkiem åadtjodh jïjtsh baakoeh jih raajesh tjaalasuvvieh jih jïjtjh lierehtalledh daamts baakoeh jih jiehtegh tjaeledh.
3. daltese
Gïeline gaavnedidh
Lohkehtimmesne gelkieh learohkh
- Goltelidh gosse vaajesh, maanalidteratuvrem, tjihtesh, vuelie- jih laavlometeeksth lohkeminie jih jïjtjh tjihtesh, rijmh, vuelieh jih laavlomh buektedh.
- Gïelen vueliem lierehtalledh, gïelem jiehtedh jih soptsestimmieh jih daamts vaajesh goltelidh.
- Joekehth aamtesi bïjre soptsestidh jih nimhtie gïelem utnedh jih giehtjedidh.
- Teeksth jih vaajesh draamine vuesiehtidh.
- Eadtjalgovvedh tjaeledh dejnie maahtojne maam leah ietniengïele-ööhpehtimmesne åådtjeme, v.g. åenehks stillemh jih vaajesh.
- Gïeline jih teekstine guvviej muhteste lustestalledh jih joekehth eadtjaldehteme darjomi muhteste, joekehth gïeletsiehkine jih sjaangerinie.
- Aalfabeetine barkedh
- Lierehtalledh joekehth teeksth tjaaleld buektedh.
- Gærjagåetesne gærjah ohtsedidh jih veeljedh.
- Daataprogrammh giehtjedidh jih joekehth.
saerniestimmieh IT-en vieken ohtsedidh
4. daltese
Gïeline gaavnedidh
Lohkehtimmesne gelkieh learohkh
- Vaajesh, tjihtesh, gaskestallemh dovne maajhvååjnesisnie jih raadijovesne goltelidh.
- Lierehtalledh joekehth-laakan gïelem jiehtedh jih gïelen vueliem buektedh.
- Ålmeh-vuekiej gujmie barkedh, v.g. båeries almetji luvnie voengesne minnedh jih soptses-, musigke- jih beapmoevuekiej bïjre govledh.
- Lierehtalledh jïjtsh vuajnoeh digkiedimmesne buektedh jallh gihtjedh jih daamts gyhtjelassh vaestiedidh.
- Draamah vuesiehtidh jih nueriebidie maanide stååkedæmman jih eensi barkose eevtjedh.
- Baakoeguvviej gujmie giehtelidh, v.g. tjihtesinie jih voenges vaajesinie.
- Tjaaleld vuesiehtimmine barkedh, v.g. guvvie-/teekstegærjaj jih guvvieraajroejgujmie, jih åadtjodh dååjrehtalledh tjaaleld aamhtesidie lahtestidh.
- Lohkedh jih barkedh hijven lohkemevuekieh övtiedidh jih nuepiem åadtjodh joekehthlaakan lohkedh (damtedh, lïeredh jih guarkedh).
- Guarkedh guktie baakoelåhkoe åvtene.
- Lidteratuvreste jïjtsh tjaeliemasse eadtjalgovvedh, v.g. tjihtesidie, guvvieraajrojde jih åenehks vaajesidie.
- Gærjagåetesne åehpies tjaeliejidie lïeredh damtedh, jih såemies teeksth dejstie lohkedh.
- Joekehth meedijavierhtiejgujmie barkedh, v.g. maajh-vååjnesinie jih plaerine.
- Lierehtalledh daatamaasjinine teeksth darjodh
