 BåavjoeminieAah dellie dle tjaktje lea båetieminie, aahka jeahta.
Guktie dam daajrah? Søøfe gihtjie.
Vuajnam kraesieh leah dle båavjoeminie, aahka jeahta.
Ij leah amma annje gaajhkh kraesieh bååvjeme, Søøfe jeahta. Vuartesjh, daagkoe jijnjh kruana kraesieh! Jih ij hov annje boelteste vååjnh tjaktje, lasth annje kruana.
Nov sån lea jienehke laste kruana, mohte gelliem lehkiem hov Iea
aalkeme vyskedidh, aahka jeahta.
Im manne annje sijhth vuejnedh tjaktje båata, Søøfe jeahta. Tjaktjege dan jijnje darjodh. Dellie tjoveribie sirvide ohtsedidh, tjøønghkedh jih
gåetide vuejiehtidh. Dah jis gisesne dan gedtie sjidteme, tjoeveribie guhkiem daamhkodh aerebi goh gåetide buektiehtibie. Jih dellie
tjoeveribie bietskiedidh, dellie viht aaj gæmhpome sjædta aerebi goh
dejnie barkojne galhkajibie.
Nåå, giesege hov aaj fuehpie, jillhtsh ij leah gaajhkide mijjide.
Aehtjie gon viellese hov dam fuehpie gosse edtjijægan miesieh
mearhkodh. Manne åadtjoem vaaran dåeriedidh, jih dihte barre luste.
Tjaktjege sarvah aelkieh gåaljodh, dan måarehke vååjnoeh, manne dejstie
barre billem.
Govlh, tjidtjie gylje! Onnevielle njæjhkoeminie, vaarrh amma viehkehth, vuajnah hov tjidtjie vaarjoeh gåvnjoeminie.
Manne sijhtem vaarjoeh gåvnjodh. Tjidtjie maahta onneviellem
vaeltedh laavkodh.
Såvnjoeh amma saedtieh gåptoste jis. Mejnie datne jis teekseme?
Manne aajjam viehkiehtamme gierkieh bååvhkeme!
Jih maam edtji dle aajja dej jis gierkiej gujmie?
Johketjebealam edtja bertedh jih darhvedh olles muerjielaante gæbpoeh gosse tjaktjeebrieh båetieh, hov jeahta.
Guktie amma, aahka jis tjearoeminie?
Ijje, daah kroenesaath hov naemhtie, gosse edtja joptsese tsaatsedh,
dellie dan veaksehke roenge guktie tjelmieh gikngieldieh.
[Last ned fil] |
