Gurhtie
Daate soptsese gærjeste "Lohkede saemien" maam Knut Bergsland jïh Ella Holm Bull tjaaleme. Jaepien 1993 gærja trygkesovvi. Daennie soptsesisnie åadtjoeh govledh mij heannadi goh Jupmele gurhtiem skaepiedi.
Gurhtie
Goh Jupmele ledtide skaepiedi dle gaajhkide skaepiedi dan tjaebpie guktie leah daelie.
Gurhtie lij dan garmere juktie dan tjaebpie lij. Jupmele maaje sïjhti kraevies juelkieh vedtedh dan gårhtan, dle dïhte gurhtie Jupmielasse jeahta:
" Manne sïjhtem rööpses juelkieh utnedh guktie gaase."
Dle Jupmele jeahta:" Duelie, daesnie dejtie dov juelkide åtnah."
Dle maa gurhtie måarahtovvi jïh numhtegh vöölki haelehten.
Dan varke vöölki, Jupmele jallan hïnni dejtie juelkide dibrehtidh dan gårhtan.
Numhtie dam dle dah juelkieh dan mænngese sjïdtin, destie dam dle ij leah gurhtie naan vaedtsije.
Kontekst
Kompetansemål
Inngår i
- Sørsamisk som førstespråk (Fag)
