Nahkoergöörnjen jaememe
Nahkoergöörnje jaememe
Goh Nahkoergöörnje galki jaemedh, dellie dah altese almetjh eelkin onterdamman (onterdidh), guktie sån gåarede dejnie Nahkoergöörnjen sealojne. Jïh sïjhtin edtja rohkelidh dan stoerre Jupmielasse.
Men Nahkoergöörnje idtji gujht dïhte provhkh naan aejkien rohkelidh Jupmielasse, provhki barre rohkelidh jïh sjïeledidh dejtie jïjtjese jupmielidie. Jeehti barre, ij satne maehtieh rohkelidh, men maahta vueliem joejkedh dan Stoerre Jupmielasse.
Dellie dïhte altese fuelhkie bïllijin jïh jeehtin: «Ij gujht die Jupmelem maehtieh joejkedh.» Men Nahkoergöörnje joejki Jupmelem vueliem. Jïh dam vueliem minngelen gåhtjoejin Stoerre Jupmelen vueline.
Goh dellie lij joejkeme, dellie dah låavtegh eelkin svihtjemen, maaje lij öövre låedtjie. Jïh goh dellie vuartasjieh bæjjese, dellie vuejnieh ahte dïhte elmie goh rïhpese. Jïh dellie goh veelkes ledtije haalene dehtie gåeteste, goh dïhte Nahkoergöörnje jaama.
Dellie dah almetjh åadtjoejin vuejnedh ahte Jupmele novke lij govleme dan Nahkoergöörnjen rohkelassem, maaje lij barre vuelie.
Kontekst
Kompetansemål
- Læreplan i samisk som førstespråk
- gjøre rede for samisk fortellertradisjon og sammenligne med noen andre urfolks fortellertradisjon
- bruke faglige kunnskaper og begreper i samtaler om tekst og språk
- lytte til, systematisere og sammenholde informasjon i muntlige tekster og reflektere over innholdet
- lese og analysere tekster i ulike sjangere for å kunne ta stilling til spørsmål tekstene tar opp og verdier de representerer
- orientere seg i tekster av ulik kompleksitet og velge ut, sammenfatte og vurdere relevant informasjon
- lese ulike tekster og bruke dem som utgangspunkt for egen tekstproduksjon
- beskrive ulike sagn- og eventyrvarianter og gi eksempler på spor av kulturutveksling i sagn og eventyr fra noen andre folkegrupper
- lese utvalgte tekster fra perioden før 1965, sette dem inn i en kulturhistorisk sammenheng og reflektere over språk og innhold
- samtale om hovedperiodene i samisk litteraturhistorie gjøre rede for joiketradisjonen og joikens status, verdi og situasjonen før og nå
Inngår i
- Sørsamisk som førstespråk (Fag)
