Gogka mejle?
Albert Jåma lea diktem «Gogka mejle?» tjaaleme. Maahtah diktem gærjesne «Gorredh gïelem» gaavnedh mij jaepien 2004 trygkesovvi.
Gogka mejle?
Manne vuertieminie
e-mejlem datneste åadtjodh.
Vuertieminie –
Gusnie lea mejle?
Vïenhtim hov bööti –
båata?????
Datne hov dåajvoehti
munnjien mejlem seedtedh –
jïh manne leam vuertieminie.
Vuertieminie gujht.
Im amma gaavnh!
Ohtsedeminie –
Ohtsedeminie –
abpe webbesne –
ij amma mij gan
gusnie gan!
Gukt’amma nimhtie jis?
Logon name!
Password!
Enter!
«No massage!»
!!!!!!!!!!!!!!!!!!!!!!!!!!!!
???????
Læjhkan biejjieh,
våhkoeh,
askh -
jaepieh dovne,
leam ohtsedeminie
Bïjre jarkan –
gaajhkem lehkiem –
voejhkelem datnem gaavnedh.
Im gujhth ennje gaavneme.
Læjhkan domtoe
ohtsedidh - -
gosse daajram
datne hov dïhte
gïem leam ohtsedeminie - -1
- 1. Gorredh gïelem (2004) , , Publisher: Fylkesmannen i Nordland
Kontekst
Brukast i
Kompetansemål
- Læreplan i samisk som førstespråk
- lese et representativt utvalg samtidstekster, skjønnlitteratur og sakprosa, og reflektere over innhold, form og formål
- gjøre rede for et bredt register av språklige virkemidler og forklare hvilken funksjon de har
- lese utvalgte tekster fra perioden etter 1995, sette dem inn i en kulturhistorisk sammenheng og reflektere over språk og innhold
Inngår i
- Sørsamisk som førstespråk (Fag)
