Fagstoff

Ruvtah

Høgskolen i Bergen, Ellen Bull Jonassen, Liv Karin Joma

Aktene guvvie-raajrosne ruvtah maehtieh ovmessie hammoeh utnedh. Gamtoe-hammoe (gællan hammoe) uvtemes åtnasåvva gosse edtja jïjnjem vuesiehtidh ruvtine. Daate hammoe sjeahta gosse edtja eatnemem, byjresh jïh stuerebh almetje-veahkah vuesiehtidh. Jalloe-hammoe (tjåadtjoen hammoe) ij dan jïjnjem guvvesne utnieh. Maaje ajve akte jallh naan gille almetjh.

Jeatjah hammoeh

Jeatjah hammoeh åtnasuvvieh gosse sæjhta sisvegem veaksahkåbpoe darjodh, naemhtie guktie lea dorjeme biehkesne seerijistie Batman. Ruvta-hammoe jïjtjemse dahkose sjïehtede.

Daesnie golme guvvieh ruvtesne mah vuesiehtieh gie akt gahtja jïh akte beerkeme-aksjovne elmesne. Guvvieh edtjieh tjïelkelaakan vuesiehtidh gaajhke spaajhte jïh våålese deavan vööste heannede.

Dovne doh vealoeh linjah mah guvviem juekieh, jïh mennie haeresne guvvieh lohkesuvvieh - guvvieh lohkesuvvieh bijjielistie jïh våålese - lohkijem viehkiehtieh gahtjemem dååjredh.

Jienebh ruvtah sinsitnien nelnie

Ruvtah eah daarpesjh sinsitnien baalte tjåadtjodh. Muvhten aejkien vaajese soptsesåvva viehkine ruvtijste mah leah jeatjah guvviej bijjelen.

Stuhtjesne Miracleman guvviedæjja stoerre guvvine aalka aktede jeetnjeste mij Miracleman‘en uvte tjåådtje. Dan mænngan guvviedæjja tjelmide beaja Miracleman‘ese. Dïhte jïjtse ruvtah åådtje, jïh ruvtaj stoeredahke læssene dramatihken mietie.

Låtnoehtimmie hammoen jïh stoeredahken gaskem

Aktene seerijisnie gusnie joekoen jïjnje heannede lea vihkeles dej ovmessie ruvta-hammoej gaskem låtnoehtidh, jïh maaje dejtie smaave ruvtide nuhtjedh gosse edtja veelelaakan buerkiestidh mij heannede åenehks boelhkine.

Såemies jeerehtsh leah amma læjhkan daerpies olles lohkije tuhtjh daate akte-laaketje jïh ovrovne sjædta.