Argumentasjovne-raerie

• jienebelåhkoe-raerie (maam jienebe-låhkoe dorje lea reaktoe)
• åtnoe autoriteetijste jallh maehtehtjijstie
• tsælloehtimmie
• vaane-sovmh
• sovmehtimmie
• soptsestimmie mearhkan sisnie 
• ov-daerpies gïerve gïele 
• sïejhme dïejvesh mej åvteste ij dïedtem vaeltieh

1. Gaajhkh vætnarassjh leah gaajh sluekies. Dah båetieh gosse jïjtjemse sjeahta, jïh ååpsen jïjnjh beetnegh barkoen åvteste vaeltieh.
2. Manne bööremes lyjhkem Johkemaehkesne feestesne årrodh, dan åvteste desnie ajve saemieh jïh dah leah sagke murriedåbpoe jïh slaajperdihks goh almetjh daestie.
3. Vielie goh 80% mijjen åestiejijstie leah madtjeles. 
4. Manne dïhte aajnehke dåehkesne mij ij åadtjoeh voelegem meatan utnedh feestese! 
5. Daan beajjetje noerh leah akte tjomhpe almetjijstie mah eah sïjhth barkedh jïh mubpine jielieh. Dah sijhtieh bööremes sijjen eejhteginie jieledh goske 30 jaepien båeries jïh veanhtadieh tjidtjebe gon aehtjebh dejtie gaajhkem vedtieh jïh dejtie gåetesne hoksehtieh.
6. Sïelte sæjhta daerpies råajvarimmiejgujmie nierhkedh juktie barkoe-dåehkien barkoe-faamoem lissiehtidh.
7. Gaajhkh jïermijes almetjh daennie laantesne leah joe guhkede gietjeste guarkeme bïjle-aajhterh ajve leah buhtjeme-govsh staatese!
8. Skuvle ulmine åtna aktem hijven lïerehtimmie-byjresem sjugniedidh gusnie gaajhkh learohkh maehtieh sijjen tjiehpiesvoeth evtiedidh.
9. Manne bööremes lyjhkem Sveerjesne eejehtalledh, dan åvteste almetjh Sveerjeste lea sagke murriedåbpoe jïh slaajperdihks goh almetjh Danmarkeste. 
10. Gaajhkesh gujht daejrieh Maarja lea lïhtseginie Noereh, dan åvteste åadtjobe dam lahtestimmiem saelhtie-tjueptjine vaeltedh….
11. Råajvarimmie tjuara dan stoerre årrodh guktie lea seamma stoerre goh dïhte buajhkoes synergi-effekte.

Baakoeh