Fagstoff

Lohkije-tjaalege

Marion Federl, Ellen Bull Jonassen, Liv Karin Joma
  • Innbygg
  • Enkel visning
  • Lytt til tekst
  • Skriv ut

 

Aerpie-vuekien mietie lohkije-tjaalegh iktesth trygkeme plaerine jïh våhkoe-plaerine gååvnesamme. Daan biejjien dejtie gaavnebe aaj digitaale medijumine. Mijjieh maehtebe meatan årrodh digkiedidh, maehtebe tjaalegh jïjtje tjaeledh jallh lahtestidh maam mubpieh leah tjaaleme.

 

Gellie-såarhts tjaalegh

Doh jeanatjommes lohkije-tjaalegh leah digkiedimmie-lahtesh, amma åenehks argumentereles tjaalegh aktine tjïelke veanhtojne, man åssjele lea lohkijem jaehkiehtidh. Men maehtebe aaj tjaalegh tjaeledh mah uvtemes edtjieh bievnedh:

Vuesiehtimmien gaavhtan, Saemien Sijte maahta bievnedh akten prosjekten bïjre, jallh akte privaate almetje maahta akten konserten bïjre tjaeledh mesnie satne orreme.

 

Ajve akten aamhtesen bïjre

Ij leah naan byjjes njoelkedassh guktie akte lohkije-tjaalege edtja vååjnedh, men jis sïjhth gellie lohkijh jaksedh, dellie dov tjaalege byöroe aktelaaketje årrodh. Tjaelieh dan åvteste åenehks jïh tjyölkehke, jïh ajve akten aamhtesen bïjre.

Aktene lohkije-tjaalegisnie datne dov persovneles vuajnojne båatah, desnie dov åssjaldahkh jïh domtesh tjaalah. Dov lea luhpie aatide ånnetji gïeregen nïlle bïejedh, jïh maahtah maaje ånnetji striengkies årrodh jis tuhtjh daerpies. Ih byörh almetjh håasedh, jïh tjoerh ajve rïektesem tjaeledh.


Nuhtjh gïeleviehkie-dïrregh

Akte tjaalege nedtesne jallh paehpere-plaeresne tjuara lohkijen tsåatskelesvoeten bïjre gaahtjedh jïjnjh jeatjah tjaalegigujmie. Dan åvteste vihkeles datne buektehth lohkijen ïedtjem feengkedh guktie sæjhta dam lohkedh. Nuhtjh gïelem juktie domtesh gåaskodh, jïh tjaelieh naemhtie guktie lohkije datnem, tjaelijem laajhta.

Oppgåver

Aktuelt stoff