Kååserije jïh petite
Baakoe kååserije båata dehtie fraanske baakoste causerie, mij saemien-gïelesne ”geehpes, frijje soptsestimmie”. Kååserije lij aarebi njaalmeldh sjangere, jïh geehpes soptsestimmie lidteratuvren, filosofijen jïh kåansten mietie. Dïhte voestes almetje mij baakoem nuhtji tjaaleldh tjaalegi bïjre, lij dïhte fraanske laejhtije Charles-Augustin Sainte-Beuve (1804-1869). Altese kååserijh lin tjaelije-portrehth lidteratuvre-lahtestimmiejgujmie. Mænngan dle kååserije sjangere-nomme sjïdti geehpes, populære plaerie-lahtestimmide daejremen jïh kåansten bïjre mah njaalmeldh vuekiem utnieh, goh soptsestimmieh.
Kååserije jïh petite
Doh trygkeme kååserijh aaj gohtjesovvin petitar (fraanske, mij sæjhta jiehtedh onne), tjaeleme-såarhten gaavhtan, mejnie daah teeksth trygkesovvin. Daan biejjien aaj nommem petite nuhtjebe dejtie åenehks, kååsereles tjaalegidie plaerine. Kååserije dan njaalmeldh såarhten bïjre nuhtjebe, v.g. dam maam raadijovisnie, revyine jïh standup-showine govlebe. Tjaalegh daennie sjangerisnie mah leah skuvlesne tjaalasovveme gohtjebe kååserije.
Saakeles sisvege – stååkeden gïele
Kååserijesne tjaelije tjaala dan rïektes veartenen bïjre – teema lea daamtajommes aarke-biejjien jallh daan beajjetje aati bïjre. Akte kåsööre maahta baakoejgujmie jïh dïejvesigujmie stååkedidh jïh gaajhki såarhts gïeleviehkie-dïrregigujmie.
Lustesvoete jïh ironije
Datne edtjh teeman bïjre tjaeledh geehpeslaakan jïh lusteslaakan. Dan åvteste vihkeles dïrregh nuhtjedh. Akte kåsööre sïejhme njoelkedassh vadta, lissehte jïh jeatjah dïrregh nuhtjie guktie tjaalege lustes sjædta.
Njaalmeldh tovna
Lissine kåsööre njaalmeldh tovnam nuhtjie, viehkine aktem aelhkie raajese-bigkemem nuhtjedh, jïh aaj aarkebiejjien baakoeh jïh dïejvesh jallh slaangem.
Persovneles jïh subjektijve
Gosse kååserijem tjaalah edtjh aktem persovneles tovnam tjaalegisnie nuhtjedh. Maahtah manne- jïh mijjieh-hammoem nuhtjedh, jïh ryöktesth dåastoejasse tjaeledh. Sïejhme vuesiehtidh dov akte persovneles vuajnoe dan aamhtesen bïjre man bïjre tjaalah.
Ånnetji vielie goh sjollehtimmie
Mujhtieh datne byörh jienebh åssjelh dov tjaaleginie utnedh. Datne edtjh dovne sjollehtidh jïh åssjaldahkh gåaskodh. Dan åvteste dovne hammoe jïh sisvege vihkeles. Ulmie lea lohkijem skreejrehtidh akten aamhtesasse orrelaakan vuartasjidh.
Baakoeh
kååserije
kåseri
kåsööre
kåsør
kååsereles tjaalege
kåserende tekst
slaange
slang
Kontekst
Kompetansemål
- Læreplan i samisk som førstespråk
- bruke faglige kunnskaper og begreper i samtaler om tekst og språk
- lese et representativt utvalg samtidstekster, skjønnlitteratur og sakprosa, og reflektere over innhold, form og formål
- gjøre rede for argumentasjonen i andres tekster og skrive egne argumenterende tekster
- tilpasse språk og uttrykksmåter til ulike skrivesituasjoner i skole, samfunn og arbeidsliv
- gjøre rede for et bredt register av språklige virkemidler og forklare hvilken funksjon de har
- lese og analysere tekster i ulike sjangere for å kunne ta stilling til spørsmål tekstene tar opp og verdier de representerer
- skrive tekster med klar hensikt, god struktur og sammenheng
- skrive kreative, informative og argumenterende tekster, utgreiinger, litterære tolkninger, drøftinger og andre resonnerende tekster
Inngår i
- Sørsamisk som førstespråk (Fag)
