Filme-darjoje Elle-Máijá Tailfeather
Filme-darjoje Elle-Máijá Tailfeather lea dovne filme-darjoje jïh dorjehtæjja. Dïhte dovne blackfoot-almetje jïh saemie, guktie maehtebe daennie filmesne vuejnedh.
Elle-Máijá Tailfeathers
Eelki filmine barkedh jaepien 2011 gosse åenehks-filmem Bloodland darjoeji. Filmem darjoeji juktie sïjhti ååljasïelti vööste gïrredh mah edtjin aelkedh ååljan mietie naepierdidh blackfoot-almetji dajvesne. Daan filmen mænngan gellie jeatjah filmh dorjeme ovmessie sjangerinie goh fiksjovne, dokumentaare, mokumentaare jïh musihke-videjo.
Saemie jïh blackfoot
Elle-Máiján aehtjebe saemie Nöörjeste, mearan tjidtjebe blackfoot-almetje tjierteste Kainai First Nation. Kanai-tjïerte aaj åehpies goh «the Blood Tribe» jallh «Kainaiwa». Dah akte tjïerte dehtie stuerebe Blackfoot-dåehkeste gusnie golme tjïerth: siksikáwa, kainai og pieganere. Blackfoot-almetjh Albertesne, Canadesne, årroeminie, gusnie dejpeli bööffelh vijrin. Aaj åehpies dej aejlies aerpievuekien biejjie-daanhtsomen gaavhtan.
Aalkoealmetje-teema
Elle-Máiján filmh leah daamhtaj aalkoe-almetji dåeriesmoeri jïh ovreaktaj bïjre siebriedahkesne. Filmh leah festivaaline vuesiehtamme gelline sijjine veartenisnie, guktie filme-festivaalesne Berlinesne, festivaalesne Vancouver International Film Festival, festivaalesne imagineNATIVE Film and Media Arts Festival, festivaalesne Seattle International Film Festival, jïh festivaalesne Tromsø internasjonale filmfestival (TIFF).
Kontekst
Kompetansemål
- Læreplan i samisk som førstespråk
- lese og analysere tekster i ulike sjangere for å kunne ta stilling til spørsmål tekstene tar opp og verdier de representerer
- skrive tekster med klar hensikt, god struktur og sammenheng
- skrive kreative, informative og argumenterende tekster, utgreiinger, litterære tolkninger, drøftinger og andre resonnerende tekster
Inngår i
- Sørsamisk som førstespråk (Fag)
