Retorihkeles tjelmieh akten reklaame-annonsese
Reklaame-annonse Lerum eeplamostese
Analyseredh annonsem Lerumistie.
Diedtieh annonsese juktie dam ellies stoeredahkese åadtjodh. Datne voestegh aktem onne guvviem åadtjoeh aktine stueriedehteme-klaasine vöölemes åelkiesbielesne. Diedtieh stueriedehteme-klaasese juktie ellies-sjeermem vuejnedh.
Bijjie-guvvie teeksteste
- Gie jeahta maam gïese, gusnie, gåessie, guktie jïh man åvteste?
- Mij sjangeridie daate?
- Gusnie sïejhmemes daagkeres teekstem gaavnebe?
- Mij åssjele teekstine?
- Mij lea dorjese maam edtjieh doekedh?
- Man jïjtsevoetese dorjesisnie annonse tjelmide åtna?
- Mij lea teeksten ulmie-dåehkie?
- Gaavnh bïevnesh seedtijen bïjre Gaske-viermesne (lerum.no). Maam gïehtelimmie dorje?
- Gusnie höölleste?
Lïhke-lohkeme
Buerkesth doh ovmessie bielieh mejstie annonse lea tjåanghkan bïejeme.
Åejvie-guvvie
- Mij lea tjelmie-dåastoje?
- Mij lea bïejeme åvtene?
- Buerkesth duekiem. Maam dïhte vuesehte?
Tihtele (bijjie-baakoe)
- Maam maahta jiehtedh lea annonsen bijjie-baakoe?
- Mah såarhts bïevnesh vadta?
- Magkeres såarhts tovna sjugniesåvva baakoej jïh tjaeleme-såarhti tjïrrh?
Laejpie-teekste
- Gusnie bïejesovveme?
- Magkeres tjaeleme-gïelem nuhtjeme?
- Magkerh faakta-bïevnesh laejpie-teekste vadta?
- Magkerh dåajvoehtassh vadta? (Vaeltieh aaj meatan teekstem mij lea vöölemes jïjtjehke juvse-burhtjesne.)
Logo jïh faamoe-baakoe
- Man daamtaj Lerum-logo vååjnoe?
- Mij Lerumen faamoe-baakoe?
- Magkerh vuajnoeh seedtijistie faamoe-baakoe vadta?
Klaerie-åtnoe
- Mij klaeride jeenjemes vååjnoe annonsesne?
- Mah bïevnesh tjïertestamme sjidtieh viehkine daehtie klaereste?
- Mejstie klaerijste jeenjemes annonsesne? Galme jallh baahke klaerieh?
Argumentasjovne annonsesne
Goerehth guktie guvvieh, teeksth jïh grafihken viehkie-vierhtieh åtnasuvvieh ihke seedtije edtja ussjedammes vååjnedh, bïevnesh aamhtesen bïjre vedtedh jïh domtesidie lohkijen luvnie appelleradidh.
Etos: seedtijen ussjedammesvoete
- Guktie seedtije pryövoe annonsesne vååjnedh?
- Guktie teekste, guvvieh jïh grafihkeles viehkie-dïrregh viehkiehtidh daam vuajnoem seedtijistie sjugniedidh?
- Man gellie rïektesvoeth/faaktah annonsesne gaavnebe mejtie gåarede gïehtjedidh?
- Mah bagkesimmieh ibie maehtieh gïehtjedidh?
- Mij maahta mijjem jaehkiehtidh guktie bagkesimmide læjhkan jååhkesjibie?
- Man åvteste vaaroe bïejesåvva fïerske eeplajgujmie ektine?
- Maam eatneme, mij lea våajnoes duekesne, edtja vaaroen bïjre soptsestidh?
- Man åvteste motijve, maam åejvie-guvvesne vuejnebe, aaj juvse-burhtjesne?
- Guktie doh ovmessie klaerieh viehkiehtieh doekeme-dïjrem tjïertestidh.
- Mah gïeleviehkie-dïrregh seedtije nuhtjie juktie hijven vuajnoem vaaroste sjugniedidh?
- Mehtie såarhts argumentasjovneste vaenemes gaavnh?
- Mehtie såarhts argumentasjovneste jeenjemes?
- Argumentasjovnine annonsesne veelelaakan barkeme guktie dovne teekste jïh guvvieh aktem aktelaaketje reklaame-dïjrem buakta mij tsavtsa? Jeatjah baakoejgujmie: daate akte lyhkedihks teekste, retorihken mietie?
Baakoeh
gïetelimmie
virksomhet
tovna
tone
dåajvoehtasse
løfte
faamoe-baakoe
slagord
ussjedammesvoete
troverdighet
ryöktesth
direkte
bagkesimmie
påstand
Kontekst
Kompetansemål
Inngår i
- Sørsamisk som førstespråk (Fag)
