Fagstoff

Draaman bïjre

Helen Blind Brandsfjell, Liv Karin Joma
  • Innbygg
  • Enkel visning
  • Lytt til tekst
  • Skriv ut

Plaakate vuasastimmeste Elsa Laula Renberg. Guvvie.  Datne gujht taeatere-vuastallemisnie orreme jallh filmem vuartasjamme. Åvtelen maehtebe teater-vuasastallemem jallh filmem darjodh manuskriptem daarpesjibie. Manuskripesne tjaaleme mah dorjehtæjjah edtjieh jiehtedh jïh darjodh jïh lissine aaj tjaaleme vihkeles viehkiedïrregi bïjre guktie tjoevkesh, tjoeje, musihke, sminke, scene-vaarjoeh jïh scene-guvvie.


Boelhke jïh scena

Dovne teatere-vuasastallemisnie jïh filmesne heannadimmieh daamtaj boelhkine jïh scenine juakeme, vuesiehtimmien gaavhtan biejjeste jïjjese jallh sijjeste sæjjan.

Draama

Teatere-scenesne jallh filmesne dellie almetjh soptsestieh, mij draamine sjædta. Draama lea seamma guktie dahkoe. Dahkoe lea dam maam maehtebe filmesne jallh teatere-scenesne vuejnedh. Dahkoe aerpievuekie-draamesne juakeme boelhketjisnie. Dahkoe kronologijen mietie jåhta, men naan aejkien maehtebe vuejnedh mij aerebi heannadamme jïh mij maahta heannadidh.

Råållah

Draamesne gellie almetjh maehtieh meatan årrodh mah unnebe jallh stuerebe råållah utnieh. Dah maehtieh draaman mietie jorkesidh jallh dah maehtieh seammalaakan draaman tjïrrh årrodh. Men aktene draamesne aaj ajve akte dorjehtajja maahtea meatan årrodh, vuesiehtimmie gaavhtan teatere-vuasastalleme Elsa Laulan bïjre. Daennie vuasastallemisnie Elsa sov jielemen bïjre soptseste.