Fagstoff
Tjaelemen bïjre
Tjaaleldh govlesadteme dellie datne lohkh jallh tjaalah. Gosse lohkeminie ih datne maehtieh tjaeliejinie govlesadtedh. Ih maehtieh gihtjedh jis ih guarkah maam tjaaleme. Jïh gosse datne tjaelieminie ih maehtieh govlesadtedh dejnie mejnie dov tjaalegem låhka. Dan gaavhtan vihkeles ussjedidh guktie tjaalah juktie lohkije edtja dov tjaalegem guarkedh.
Tjaelemen tjïrrh maehtebe disse-gåessie govlesadtedh. Datne maahtah snapem, e-påastem jïh SMS-bïevnesem seedtedh gåessie sïjhth. Ih daarpesjh ussjedidh man jïjnje tsåahka jallh gusnie datne.
Gellien aejkien tjaaleldh govlesadteme monologihke. Dan åvteste ibie iktegisth maehtieh dallah vaestiedidh dïsse maam tjaaleme.
Soejkesjidh
Gosse edtjebe tjaeledh dellie maehtebe soejkesjidh guktie jïh maam edtjebe tjaeledh. Mijjieh kaanne jeatjah baakoeh nuhtjebe jïh mijjieh raajesh jeatjahlaakan tseegkebe enn gosse soptsestibie. Gosse tjaelebe dellie vihkeles daaj gyhtjelassi bïjre ussjedidh. Gïese tjaelebe? Man bïjre edtjebe tjaeledh? Guktie edtjebe tjaalegem tseegkedh? Mennie sjangerisnie?
Lohkedh
Gosse tjaalegem lohkebe dellie ibie viehkiem kråahpe-gïeleste jallh gïelen intonasjovneste åadtjoeh. Gellien aejkien ibie maehtieh seedtijem gihtjedh mearan lohkeminie. Mijjieh tjoerebe tjaalegem jïjtjemdh toelhkestidh jïh maehtebe ajve mijjen jïjtjemdh daajroem nuhtjedh.
Kontekst
Kompetansemål
- Læreplan i samisk som førstespråk
- lese og analysere tekster i ulike sjangere for å kunne ta stilling til spørsmål tekstene tar opp og verdier de representerer
- skrive tekster med klar hensikt, god struktur og sammenheng
- skrive kreative, informative og argumenterende tekster, utgreiinger, litterære tolkninger, drøftinger og andre resonnerende tekster
Inngår i
- Sørsamisk som førstespråk (Fag)
