Dïhte, gïem irhkie, maahta hujnies sjïdtedh, bïlledh jallh miedtielidh. Maahta gujht hujnies sjædta jïh nåake damta jis akten aejkien deahpade, jalhts ij irhkemem gohtjh. Mohte dïsse, gïem guhkiem irhkie, maahta dan jïjtjedomtesem tsevtsedh, jïh dan oktegh damta.
Mij lea irhkeme?
Irhkeme maahta årrodh gosse dah simmieh, vïjlelieh, nartehtieh, tsaepmieh jallh vestie baakoeh jiehtieh. Maahta aaj vesties sms:h, mejlh jallh tjaalegh facebookesne årrodh jallh gaskeviermesne dåålvesåvva.
Irhkeme aaj gosse ij åadtjoeh meatan årrodh juktie ij gåårvedh guktie jeatjah tuhtjieh edtja gåårvedidh, jallh lea sjïere guelmie. Maahta aaj jis ij åadtjoeh meatan årrodh, jallh såaltjh dan bïjre juhtieh. Jis naaken destie nåake damta, dellie lea irhkeme.
Irhkeme jïjnjide tjarke baakoe. Kaanne dah gïeh irhkieh eah guarkah dïhte lea irhkeme. Dah kaanne vuesiehtimmien gaavhtan jiehtieh lij ajve tsælloe. Mohte tsællosne seamma veaksehke jïh mahte seamma væssjojes sinsitnide.
Seamma jis vesties vuekine jarhpoedidh. Dïhte gie irhkie naan aejkien ij skåltoem vaeltieh jïh dellie jeahta dïhte gaastastalli. Mohte jis naaken destie nåake damta, dellie lea irhkeme.
Muvhtene irhkeme dan tjarke dellie miedteme. Vuesiehtimmien gaavhtan leerhkeme, jis naaken leerhkie. Trakasserijh jïh diskrimineeremh leah aaj miedtemh. Aaj miedteme naakenem aajhta, jallh tjabrehte naakenem nuerebe 15 jaepieh seksuellen darjomh gaskeviermesne darjodh.
Jis naakenem nåakelaakan gïetede dejstie persovnen tjoelem jallh jaahkoem fåantojste, dellie diskrimineereme. Jis naaken jeatjebem irhkie, dellie tjoerebe seahkaridh!
Mestie irhkeme båata?
Daamhtaj irhkeme aalka gosse mådtan bïevsterh dåehkesne. Dah gïeh irhkieh pryövoeh kaanne onne dåehkiem ektiedidh jïh dan gaavhtan jeatjide irhkieh. Muvhtene irhkeme aalka gosse ij naan geerve lïhke gie dïedtem vaalta gaajhkesh vuerie vuekine sinsitniem dåemiedidh.
Irhkeme aaj destie båata dïhte gie irhkie nåake damtedh jïh veaksahkåbpoe damta gosse jeatjah irhkie. Muvhtene irhkemem jeanene juktie dah gïeh dam vuejnieh eah doesth maam akt jiehtedh. Dah kaanne destie billieh dah maehtieh irhkedhsjïdtedh jallh voelph dassedieh.
Guktie maahta irhkemem vaeniedidh?
Ij gåessegh noere almetjen dïedte irhkemem heerredh. Skuvlesne geervi dïedte ij oktegh desnie sjædta irhkedh. Gaajhkh maehtieh viehkiehtidh irhkemem unniedidh.
Jis aajhtsa naaken sjædta neerrehtidh jallh ålkone damtedh, maahta vuesiehtidh dam pryjjedh. Muvhtene nuekies hej jeahta, jallh maam akt gihtjie, dellie dïhte damta naaken pryjjoe.
Maahta aaj viehkine årrodh jis dam jiehtedh jis aajhtsedh naaken irhkesåvva.
» Jis irhkesåvva