Mij lea bi, heteroe jïh homoe?
Gååvnese golme seksuellen syjhtedh; biseksualitehte, heteroseksualitehte jïh homoseksualitehte. Daamhtaj pråvhka barre jiehtedh lea homoe, heteroe jallh bi.
- Biseksualitehte lea gosse dovne nïejtide jïh baernide gearodh.
- Heteroseksualitehte lea gosse naakenem mubpie tjoeline gearodh jallh kleenghkestidh. Jeatjah baakoe dïsse lea straighte.
- Homoseksualitehte lea gosse naakenem seamma tjoeline gearodh jallh kleenghkestidh.
Daamhtaj jïjtse seksuellen syjhtedem ussjedidh
Daamhtaj jïjtse seksuellen syjhtedem ussjedidh. Mij seksuellen syjhtedidie tuhtjie utnedh maahta jieliemisnie jeatjahtehtedh.
Jïjtje nænnoste jis sæjhta bi:em, heteroem jallh homoem gohtjesovvedh. Maahta aaj veeljedh jiehtedh ij naan sjïere seksuellen syjhtedem utnieh.
Vuartoeh byjreskistie
Byjreske daamhtah veanhta lea heteroseksuelle. Jis ij dam reaktoe damth, dellie kaanne damta jeatjhlaakan, ov-vååjnoes jallh olkene.
Jïjtje seksuellen syjhteden bïjre soptsestidh
Vaallah mij seksuellen syjhtedem åtna åålegh jïjtje nænnoste jis jïh gåessie sæjhta jeatjide dan bïjre soptsestidh.
Jis heteroseksuelle ij provhkh dan bïjre soptsestidh juhkoe daamhtaj almetjh dam vienhtieh.
Jis lea homoseksuelle jallh biseksuelle, såemies aejkien damta sæjhta jallh daarpesje dam jiehtedh.
Seksuellen syjhtede ij maam akt vuekine jallh guelmiedahkine utnieh
Muvhtene kaanne såamesh vienhtieh sjïere vuekine orre dan gaavhtan mij seksuellen syjhtedem åtna. Edtja sjïere aath lyjhkedh, sjïere vuekine vååjnedh jallh sjïere ïedtjh utnedh.
Mohte vuajnoe, ïedtjh jallh guktie veeljie jielemem jieledh ij båetieh destie mij seksuellen syjhtedem åtna.
Luhpehts diskrimineeredh seksuellen syjhteden gaavhtan
Vaalah mij seksuellen syjhteden åtna, reaktam åtna jieledh jïjtje jielemem guktie sæjhta.
Luhpehts sjædta naakenem diskrimineeredh dan persovnen seksuellen syjhteden åvteste.
Jis daaresjamme seksuellen syjhteden gaavhtan dïhte alvas laaken vööste maam gohtje hatbrott.