FEELEMELUHPIEH
Vuartesjh feelemi åvteli mejtie annje maahtah jijtjedh feelemeluhpiem åtnose vaeltedh. Muvhth laanth krïebpesjieh feelemeluhpieh tjoeverieh govhte askesne åtnosne årrodh, eannan edtjh åadtjodh rastah laantem baahtsedh.
Muvhth laantide visumem daarpesjh. Vuartesjh mejtie visumem daarpesjh dujtie laantide edtjh feeledh. Dan bijre ålkoerijhke-departemeenten gaskeviermiebieline gaavnh. Visumem byöre guhkiem feelemi åvteli ohtsedh, dan åvteste åejvieladtjh guhkiem daarpesjieh ohtsemem gïetedidh. Mujhtieh visumem ajve boelhketjisnie maahtah åtnosne vaeltedh.
DAALHKESH
Man guhkiem jih gåabph feelh, vuesehte magkerh daalhkesh fealadæmman daarpesjh. Starnejarngh dejnie viehkiehtieh. Gellie daalhkesh tjoeverh guhkiem feelemi åvteli åadtjodh. Tjoeverh skodtedh dejtie åadtjodh!Gosse daalhkesidie åadtjoeh, daalhkese-væhtam aaj åadtjoeh maam meatan fealdæmman vaaltah. Muvhth laantide tjoeverh byjjes paehperh dej daalhkesi åvteste vuesiehtidh.
SKÏEBTJELASSH
Jis daejtie raeride dåarjoeh, dellie ih daarpesjh skiebtjies sjïdtedh jih ih daarpesjh skovrestidh. Vuesiehtæmman; nimhtie maahtah lïepedh skovrestidh:
•Gietide bïssedh
•Beabpmoe - Eensi voessjeme- jih bæssme beabpmoeh maahtah byøbpmedidh. Maahtah aaj adtjegh båhkesjamme gaahkoeh byøbpmedidh. Ih daarpesjh kruanaaath jih muerjieh bybpmedidh, jis edtjh byøbpmedidh– bissh jih njaamh eensilaakan dellie jijtje muerjide jih kruanaaatide.
•Tjaetsie – aellieh mïsse tjaetsiem tjaetsiegirseste jovhkh. Jovkh ajve doelteme-tjaetsiem jih tjaetsiem maam boehtelisnie åastah. Vuartesjh mejtie boehtelen skåahpa eensilaakan dibrehtamme. Gosse baenide skubph, gurhkh dellie tjaetsiem boehtelistie jallh doelteme- tjaetseste. Aellieh mïsse jïengebæhtah gænnah byøbpmedh. •Tjasth – Aellieh tjasth byøbpmedh mesnie ovnohkens tjaalegh jih maam nåakelaakan gaptjeldihkie.
•Maahtah varkebe skiebtjies sjïdtedh jis beabpmoeh åastah ålkine mah geajnoej bealeste faalehtieh.
Gosse feeledh, dagkeres daalhkesh maahtah meatan vaeltedh
•Njimkehtahke jih raajne kompreesse
•Pinsette, skaarja jih termomeetere
•Bom-ålloe jih q-tipsh
•Daalhkesh saejriej vuestie
•Daalhkese maam vaejliem jih baektjiedimmiem vuelede (Paracetamol)
•Hydrokortison-voeje tjovrehki jih saejriej vuestie
•Biejjie-voeje
•Daalhkese tjovrehki vuestie
•Daalhkesh skovresen vuestie, Imodium jih Loperamid (ij maanide maehtieh vedtedh jis eah bijjelen 12 jaepien båeries )
•Daalhkesh
•Kondovmh
•Dovtege
•Jis maam jeatjah - dåaktere raereste
FEELEME- TJIRKEME JIH BEETNEH– VIERHTIEH
Feeleme-tjirkeme eeremes daerpies. Feeleme-tjirkemem tjoeverh åadtjodh maam abpe fealadimmesne åtnah. Joekehts åasah dej åvteste leah. Vuartesjh gaajhkene lehkesne aelpemes feeleme-tjirkemen mietie.
Ryöknoeh man jïjnjem beetnegh daarpesjh gosse fealadidh. Ryöknoeh naemhtie:
•Haeliehtimmieleahpa
•Fealadimmie- tjirkeme
•Daalhkesh
•Daalhkesevierhtieh
•Feelemeluhpie
•Leejjeh-beetnegh
•Beetnegh mah dallah daarpesjh
Visa- jallh masterkåarhtem eeremes daerpies. Beetnegh jeenemes baankijstie ålkoerijhkesne veedtjh. Gosse baankijste beetnegh veedtjh, tjoeverh fierhten aejkien 30 kråvnoe beetnegi åvteste maeksedh jih dovne 0,5 % beetnegijste maeksedh mejtie olkese vaaltah.
(Muvhth baankh joekhtslaakan dorje) Tjaelieh guktie måjhtah man gellien aejkien jih man jïjnjh beetnegh baankijste veedtjh. Nimhtie daajrah man jïjnjem beetnegh åabrelen leah. VUEP! Ij leah Skandiabanken dagkerh geebyrh ålkoelaantine.
VOESSEN SISNIE
Ij leah aelhkie daejredh maam edtjh meatan vaeltedh. Badth mujhtieh, datne dihte gie edtjh jijtje voessem guedtedh. Voessen sisnie tjoevere årrodh:
Vaarjoeh – vaarjoeh mejtie dovne maahtah biejjien, aavoetjåahkosne jih fealadimmesne utnedh. Maahtah aaj aelpies vaarjoeh åadtjodh åestedh.
•Hijven gaamegh lea eeremes daerpies.
•Åaremevoesse
•Laavkome-daeverh
•Njaamelijnieh – maahtah gøøkte njaamelijnieh meatan vaeltedh. Gosse akte dejstie soevene lea, maahtah mubpiem njaamelijniem utnedh.
•Vuesiehtimmiegærjah – aellieh dejtie Nöörjesne åestieh. Sagki aelpebe dejtie ålkoelaantesne åestedh. Muvhth laantine maahta gærjide vihth bååstide låtnodh.
•Låammetjoevkese - Muvhth laantine tjoevkside jamhkelieh.
•Låammenajpetje
•Tsåahka
•Gåaromeveaskoe
VIELIE BÏEVNESH
•Guelmedh feelemeluhpide, daalhkese-væhtam jih fealadimmieleahpide. Tsagkh dejtie joekehth sijjide voessesne. Jis jïjnjesh lidie gieh fealademinie, joekedidie guelmiedahkide. Jis dellie dejtie gaerviehtidie, sagki aelhkebe dejtie bååstide åadtjodh.
•Jis jïjnjesh lidie gieh ektine fealedeminie, joekedidie dellie daeveridie fiereguhtene voessen sisnie.
•Goltelh aaj jeatjabijstie guktie mubpine laantine leah. Dah jïjnjem laanti bijre daejrieh.
SVAALHTESH MAH HIJVEN DAEJREDH
Eurotrip
Excite
Hostelworld
Kilroytravels
Let´s Go
Norske ambassader / konsulater i utlandet
Nyttige adresser ved utenlandsopphold
Utenlandske ambassader i Norge
Utenriksdepartementet - Reiseinformasjon og reiseråd
Utenriksdepartementet - Visumfrie land
Vaksinasjonssenter