Frifoente maanah jih noerh edjta nuepiem vedtedh noeride juktie sijjieh maehtieh darjomh jåhtajehtedh, saaht magkeres ealamadtje jallh saaht gusnie. Frifoente sæjhta gellielaaketje kultuvrem nænnostidh, jih orre aelhkies jih ov-byråkratihken dåarjoeöörneginie årrodh. Aelhkies ohtsemesoejkesjh jih reektehtsesoejkesh, iktesth ohtsemeraaje jih åanehksreeremsbaelie darjoeh naemhtie ahte lea aelhkies gaajhkide dåarjoeøørnegem nuhtjedh. Darjomh mah Frifoente dåarjede leah v.g. konserti jih seminaride öörneme, filmem darjodh, kuvsjem öörnedh, darjomebiejjieh öörnedh, skateramph tseegkedh, noereheevehtimmiem öörnedh, festivalh öörnedh, Eid:m jih naasjovnen biejjiem heevehtidh j.n.v.
Dah vihkelommes mierieh leah ahte maanah jih noerh jïjtjh edtijeh meatan årrodh jih darjomem nænnoestidh, ahte unnemes 1/3 dejstie gieh leah meatan darjoemisnie tjuerieh årrodh nuerebe goh 26 jaepien båeries, jih ahte tjïelten jih jeatjah byjjes råajvarimmieh eah maehtieh dåarjoem åadtjodh, ij kommersielle darjemessijjie åadjtoeh gih. Ohtsije maahta jienemes åadtjodh 25 000 kr fïerhten proosjekten åvteste. Mijjen luvnie lea aaj Frifoente Filme, man lea ohtsemeraaje gøøkten aejkien fïerhten jaepien, jih jienemes 75 000 kr vadtasåvva dåarjojne.