1. AELKIEH DAELIE!
Aelkieh daelie lissiebarkoej (våhkoegietjiebarkoej-, bieliebarkoej jih giesiebarkoej) mietie ohtsedidh. Jis våhkoegietjiebarkoem åadtjoeh, dellie giesiebarkoem aaj desnie åadtjoeh. Jis giesege sïjhth barkedh, jih ij leah dov våhkoegietjiebarkoem aaribiste, aelkieh dellie voerhtjen jallh suehpeden joe barkoen mietie geasan ohtsedidh. Sagki buerebe aarebi aaj aelkedh ohtsedidh. Jeenemes dellie giesiem soejkesjieh, jih ohtsemh gïetedieh. Jis giem dabth gie joe barkoem åadtjeme gusnie datne sïjhth barkedh, soptsesth dellie dejgujmie gåessie buerie ohtsedh.
2. AELLIEH VUERTIEH BARKOE BIEVNESTAHKINE BÅATA
Buerebe barkojde ohtsedh åvteli bievnestahkine båata. Jis vuartah barkoe bievnestahkine båata, dellie jienebh dan barkose uhtsieh. Gellie barkoesijjieh barkoeh almetjidie vedtieh jilhts eah leah barkojde plaerine bievneme. Lohkh læjkan barkoebievnestahkide fierhten biejjien plaerine. Ringkh varki gosse sjiehteles giesiebarkoem gaavnh.
3. GÏHTJH ÅAHPATJIDIE
· Gïhtjh åahpetjh mejtie daejrieh gusnie barkoeh gååvnesieh
· Ringkh gåetietjïeltese jih gïhtjh mejtie naan barkoeh noeride.
· Tjaelieh CV-m jih ohtsemem. Guelmedh dejtie, vaeltieh meatan barkoesijjide gusnie sïjhth barkedh. Vedtieh dam guhte gien diedte barkijide vuartasjidh. Gosse ohtsemem jih/jallh CV-m laahpah, dellie barkoevedtije buerebe datnem måjhta gosse barkoe jæjhta. Årroeh garmeres – aellieh paehperide jeatjabinie ektesne seedth. Ohtsedh jijtje beedriftide, nimhtie sjiehteleslaakan jijtjemdh åehpiedahtah.
4. OHTSEDH DAATABAASINE GASKEVIERMESNE
Vuesiehtæmman:
NAV
Monster
Finn
Stepstone
Sommerjobb
Maahtah aaj daejtie svaalhtesidie vuartasjidh, vuesiehtæmman:
Manpower
Toptemp
Kellyservices
5. MAGKERH BARKOEH OHTSEDH?
Ij leah gåvva daejredh magkerh barkoeh luhpie åadtjodh. Njoelkedassh gååvnesieh mejtie jiehtieh mejnie noerh åadtjoeh barkedh gosse nuekies båeries. Dah njoelkedassh dov gaavhtan dorjesovveme :
13 jaepien båeries: Gosse 13 jaepien båeries maahtah geehpes barkoeh åadtjodh, vuesiehtæmman dijrh buektedh jallh eatnamen-muerjieh tjöönghkedh.
15 jaepien båeries: Jis leah bijjelen 15 jaepien båeries, maahtah barkoeh åadtjodh mah ”eah leah staarnese jallh bijjedæmman geerve”, vuesiehtæmman bovresne jih kontovresne barkedh
18 jaepien båeries: Gosse 18 jaepien båeries luhpie åadtjoeh voelegh jih vijnh doekedh jih maahtah seamma sahth barkoem åadtjodh, badth : Tjoeverh 20 jaepien båeries årrodh luhpiem åadtjodh tjïektjestahkem doekedh.
6. GEEHTH
Dellie maajetjh barkoem åadtjeme. Maam dellie darjoeh? Tjoeverh tjaaleldh latjkoem åadtjodh, gusnie barkoeboelhkem, baalhkam jih eejehtimmiem lea sjiehtesjamme. Dov leah reaktah eejehtidh aaj. – Jis leah naan barkoeseabran tjaangeme, krïebpesjh dellie lissietahkem jis bijjelen 37,5 tæjmoeh våhkosne barkah. Mohte jis ih leah lihtseginie naan barkoesiebresne, dov leah 40 tæjmoeh barkosne våhkoen.
Jis ih baalhkavihtesjimmieh åadtjoeh, krïebpesjh dejtie åadtjodh. Daah dov vihtesjimmieh skaehtiem leah baalhkeste geaseme jih reaktoe baalhkam leah åadtjeme.
(Gaaltije: Sommerpatruljen, LO)