SÁMIID VALÁŠTALLANLIHTTU- NORGA (SVL-N)/ SAEMIEJ SAAVREMESIEBRIE – NÖÖRJESNE
SVL-N tseegkesovvi 1990 Saemiej Rijhkesaervien nualan.Dihte lea ektese-vyøki-siebrie Nöörjen, Sveerjen jih Såevmien gaskems Saemiej saavremen gaavhtan. Saemiej Saavremesiebrien leah 46 saervieh meatan govhte fylhkine gusnie 2000 lihtsegh.
Ulmie
SVL-N-n ulmie gaajhkh maanah, noerh jih geerve almetjh edtjieh tjåangkanidh saavredh jih kultuvrem darjomi vieken övtiedidh. Galka aaj saemien gïelem, kultuvrem jih ideentitetem övtiedih jih nænnoestidh.
Saavreme
Saemiej Saavremesiebrien saavremesuerkieh naemhtie öörneme; Tjoejkedh, tjoejkedh/ soehpenjinie åedtjiedidh, roehtedh, soehpenjinie åedtjedidh jih vuejeme-råantjoej gujmie gaahtjedh.
Darjomh
SVL-N reegijovneles gaahtjemh gusnie gaahtjeminie tjoejkedh. Dan raajan gaahtjemh Finnmarhkesne, Romssesne jih Noerhte- Novrlaantesne orreme. Giesege dah saervieh ånnetji jeatjhlaakan öörneme; saavremetjåangkojne, gaahtjeminie jallh Cup-ine.
Öörnegh
Saemien gaahtjeme (SM)
Fierhten jaepien saemien gaahtjemem giesege jih daelvege öörnieh.. Nöörje, Sveerje jih Såevmie låtnoehtieh dam gaahtjemem öörnedh.
Arctic Winter Games (AWG)
SVL-N lea dovne meatan AWG-esne, maam noeride mejtie 13-19 jaepien båeries öörnieh. Barkeminie lea aaj lihtseginie AWG-n siebresne sjïdtedh. Dam siebriem tseegkesovvi juhkoe åssjele aalkoealmetjh arktigke dajvine maehtieh daelvege tjåangkenidh saaavredh. Fierhten mubpien jaepien Alaska(USA), Kaanada, Russlaante, jih Kruanaeatneme(Danmarhke) låtnoehtieh gaahtjemem öörnedh.
Vuejemeråantjoej gujmie gaahtjedh
Såevmie jih Sveerje ektesne gaahtjemem öörnejægan gosse vuejeme-råantjoejgujmie gaahtjedh. Aalkeme leah ööhpehtidh guktie dalkedh, guktie nimhtie jienebh saavermasse tjaengieh. Annjebodts ij Nöörjesne vuejeme-råantjoejgujmie gaahtjedieh. Såevmesne dihte byögkeles saavreme, jih ulmie seamma daltesasse Nöörjesne båetedh.
Jeatjah darjomh
Noeretjåangkoeh giesien 2004 Snåasesne öörnedh. Noeretjåanghkojne galka saavredh jih joekehtsh kultuvrelle darjomh årrodh. Ulmie lea saemien saavreme-ïedtjem bijjiedidh jih viermiem saemiej gaskems åarjelsaemien dajvesne tseegkedh.
SVL-N-n noeremoenehtse aaj jeatjah proosjektigujmie maanide jih noeride berkieh, vuesiehtæmman; Games of the world, vuejeme-råantjoejgujmie gaahtjedh nïejtide, dåarjegh, j.n.v.
Vielie bïevnesh, bieljeldh:
Råajvarimmieh maana – noeride : Janne Murberg Spaun – Mobijle: +(47) 99 22 48 22
Jeatjah bïevnesh Saemiej saavremesiebrien bijre : Britt Somby – Mobijle +(47) 41 50 36 03
SÁMI SPÁBBÁČIEKČANLIHTTU (SSL) / SAEMIEN JUELKIETJENGKERE-SIEBRIE
Saemien juelkietjengkere-siebrie tseegkesovvi golken 18. biejjien 2003 Saemiej saavremesiebrien nualan (SSL)- Nöörjesne. Dan leah gøøkte saadthalmetjh SVL’n ståvrosne.
Åejvieulmie:
Maadtegem tseegkedh guktie Saemien juelkietjengkere- siebrie båetije biejjide nænnoes jih stinkes sjædta, gusnie saavremen jih reeremen bijre ussjedalleminie.
Bielieulmieh:
· Saemiej ektie-domtesem nænnoestidh.
· Saemiej ektie-voetem nænnoestidh .
· Juelkietjengkere- saavremem saemide dååhkasjehtedh – maanide, nyjsenæjjide jih ålmide –dovne byjreskisnie, reegijovneles jih gaskenasjovneles.
· Saemien eatnemem juelkietjengkeren tjïrrh buerebe åehpiedehtedh jih vuesiehtidh guktie almetjh saemide åålmege-tjïertine vuavkasjieh, staatusinie alkoeåålmeginie abpe eatnamisnie
Saemien juelkietjengkere-siebrie sæjhta båetije biejjiede diedtem utnedh saemien juelkietjengkere-saavremem vaarjelidh jih övtiedidh – dovne reegijovneles jih gaskenasjovneles.
Reegijovneles, saemien Cup-m viehkiehtidh öörnedh jih barkedh guktie jienebh Saemien juelkietjengkere-saavremasse tjaengieh. Gaskenasjovneles – saemien jijtsh juelkietjengkere- saerviem tseegkedh – dovne Nyjsenæjjide jih ålmide.
Båetije biejjide sæjhta lihtseginie jillemes daltesisnie FIFA-n jih UEFA-n öörnegisnie sjïdtedh. Sæjhta aaj saervigujmie laavenjostedh mah FIFA-n jih UEFA-n bæjngoebielesne tjåadtjoeh. SSL lea daelie NF-Board-n siebresne. NF-Board stuvrieh jih öörnieh gosse laanth, mah eah lihtsegine FIFA-sne, spealadieh.
Vielie bïevnesh:
Sámi Spábbáčiekčanlihttu / Saemiej juelkietjengkeresïebre
Suomaluodda 1
9520 Guovdageaidnu
Tellefovne: +(47) 78 48 68 11, Barkoe + (47) 78 48 61 08
Gåetide +(47) 909 80 383
SVAALHTESH MAH HIJVEN DAEJREDH
Arctic Winter Games
N.F.-BOARD