#11.12.12

#05.12.2012	EANODAGA JOHTOLATGIRDIMAT OŽŽO STÁDA DOARJAGA

– Mun lean nu ilus dál, ahte čagalduhttá čoavjjis. Go čállen daid vuosttaš vuođuštusaid ministeriijii fargga guokte jagi áigi, de dalle juo niegadin ahte josba dát beaivi vel ollašuvašii, Eanodaga ovddidanhoavda Elina Vammavaara.
Ruhtalávdegoddi juolluda 70 000 evrro mearreruđa Eanodaga girdišilju johtolatgirdiid bálvalusaid oastimii. SDP riikkabeaiveolmmái Johanna Ojala-Niemelä, gii dagai álgaga mearreruđa váldimis boahtte jagi bušehttii, lea áššis hui ilus.

– Turismmas ja mátkkiid {doaibamiin}¢{conc,ib-ibm|doaibmamiin} lea hui stuora mearkkašupmi Eanodaga gieldda ovdáneapmái. Galgá muitit, ahte oanehis, moadde beaivvi guhkkosaš friddjaáiggi mátkkit leat šaddame hui bivnnuhin. Njuolggo girdimat Eanodahkii leat gieldda turismma dáfus eallineaktu ja maid áidna vuohki dahkat vejolažžan gieldda ássiid earániid dikšuma oaivegávpotguvlui govttolaš áiggi olis, dadjá Ojala-Niemelä.

Gielddahoavdda Mikko Kärnäge mielas mearreruhta lei bargovuoitu.

– Dáin garra áiggiin galgá leat hui movttet ja duhtavaš, go dákkár ášši ollašuvvá. Lea váttis oba dadjatge man ilus dál lean, dannego dát lea gáibidan oalle ollu barggu njunuš politihkkáriin, Elinas ja mus. Dás oaidnit, ahte go leat {aktiivat}£{conc,iv-ivv|aktiivvat}, de oažžut vuodjit boaittobeale guovllu ássiidge!
Kärnä giitá earenoamážit johtolatministtar Merja Kyllösä, gii lea Kärnä mielas dorjon Eanodaga garrasit ja stáhtačálli Raimo Sailasa, gii maid doarjjui dán ášši.

– Ieš bušeahttaálgaga vuolláičáliiga Johanna Ojala-Niemelä ja Heikki Autto. Hálddahusbellodagaid ovttasteaddjin sudnos lei stuora rolla das ahte dát dáhpáhuvai. Muhto buot Lappi riikkabeaiveolbmot ledje nannosit veahkeheame áššiin.

Iežas doarjagii ii váikkuhus

Eanodaga gielda lea čatnasan searvat vejolaš stáda doarjagii ja girdijohtolaga márkanastimii. Báikkálaš fitnodagat leat čatnasan márkanastinovttasbargui. Kärnä mielas stáda doarjja ii goittotge boađe váikkuhit gieldda doarjaga mearrái.

– Muhto dál oažžut seamma ruđain eambbo. Stáda njuolggadusat gáibidit, ahte gielda galgá čatnasit doarjagii unnimusat seamma meriin go stádanai.

Elina Vammavaara mielde turismma ovddideami mearreruhta lea hui stuora veahkkin.

– Dál mii sáhttit lasihit girdimiid maid {geassát}¢{vowlat,á-i|geassit} ja čakčii. Das lea hástalus, dannego dat eai leat árbevirolaččat leamaš áiggit girdit. Dál fitnodatolbmot galggašedje jođánit ráhkadišgoahtit buktagiid vuovdin ládje. Fievrrideapmi girdiin álbmotmeahccái, fievrrideapmi álbmotmeahcis ruovttoluotta Heahttái, sávdnji, eahkesborran ja idjadeapmi Heahtás ja girdin ruovttoluotta ruoktot- báhkka lea goit dakkár mii galgá fállot ja vuvdot. Lassin dasa go jurddaša {olgoriikkalaččaid}${conc,ikk-ik|olgoriikalaččaid}, de fertet oažžut idjademiid ja beaivetuvrabáhkaid vuovdin ládje.

Eanodaga gieldda guhkesáigge mihttomearri lea oažžut gildii birrajagi girdijohtolaga. Ojala-Niemelä mielas girdioktavuohta oažžu gánnáhahttin jus dasa addo vejolašvuohta doaibmat.

– Lea maid mearkkašahtti, ahte jus johtolatgirdimat Eanodat-Guovdageaidnu-Saami Airportii nohket, de dalle šaddet maid gildii jurddašuvvon charter-girdimat loahpahanáitaga vuollái, riikkabeaiveolmmái fuomášuhttá.