#http://se.wikipedia.org/w/index.php?title=Goddesáhpán&oldid=137422
#29.11.12


Goddesáhpán gávdno miehtá Sámi.

Goddesáhpán (Lemmus lemmus), gullá ciebaniidda ja hamsterbearrašii. Dat lea {eanemus dábálaš}£{dábálaččamus} váriin ja duoddariin, muhto gávdno maid vumiin, erenoamážit davviguovlluin. Goddesáhpán lea ruksesriebana ja stuora lottiid borramuš. Goddesáhpán lea dovddus vašánis ealli.

Ekologiija

Goddesáhpán borrá rásiid, suinniid ja sámmála. Goddesáhpán gávdno vuosttažettiin badjeeatnamiin. Goddesáhpán lassána jođánit ja sáhttá čivgat juo golmmavahkkosažžan. Čoavjjetáigi lea golbma vahkku ja dat oažžu 8-10 čivgga (muhto sáhttá oažžut badjel 10 čivgga). Goddesáhpán sáhttá čivgat viđa geardde ovtta geasis. Lohku rievddada ja {áigges}${vowlat,e-i|áiggis} áigái lassána sakka, juohke goalmmát-njealját jagi. Sáhpánjagiid gaskkas lea lohku hui unni. Sáhpánjagiid sáhttá fas lohku leat hirbmat stuoris.

Máŋga šlája boraspiret ja gazzalottit válljejit sáhpánjagiid eanas borrat {goddesáhpámiid}${infl,conm,m-n|goddesáhpániid} ja diet šlájat, omd. ruksesrieban ožžot ollu čivggaid goddesáhpánjagiid. Diekkár jagiid ožžot eará eallit ráfi, maid rieban muđui borašii, ja dat besset lassánit. Danne rievddadit maiddái eará elliid logut {seammaládje}${cmp,1-2|seamma ládje} go goddesáhpánlogut, ja nu lea goddesáhpán deaŧalaš meahci ekovuogádahkii [1].