#29.11.12


Beaivvášsevnnjodeapmi dáhpáhuvvá go mánnu boahtá beaivváža ja máilmmi gaskii nu ahte beaivváš belohahkii dahje oalát jávká mánu duohkái. Ollislaš dahje dievas beaivvášsevnnjodeapmi lea okta {earenoamážeamos}${} luonddudáhpáhusain. Geassemánu 2. beaivvi 2011 lei gaskaijabeaivváža sevnnjodeapmi Davvi-Sámis, ja mánnu govččai goasii 60 % beaivvážis. Dat dáhpáhuvai gaskaija áigge ja dan sáhtii buoremusat oaidnit Davvi-Sámis, gos dien áigge lea gaskaijabeaivváš. Nie viidát ii govčča mánnu beaivváža ovdal go 76 jagi geahčen fas - 2087:s.


Gaskaijabeaivváža sevnnjodeapmi Guovdageainnus 1.6.2011 dii. 23.42.



Govvejuvvon Frankriikkas go lei ollislaš beaivvášsevnnjodeapmi 1999.


Beaivvášsevnnjodeami animašuvdna njukčamánu 29. beaivvi 2006.

Fred Espenak lea NASA olis almmuhan kataloga mas oaidná 5000 jagi áiggi sevnnjodemiid - sullii 2000 o. Kr. rájes gitta 3000 jagi m. Kr. Orru ahte Østfolddas báktesárgumat lassánedje sullii 900 - 700 o. Kr. Espenaka katalogas oaidnit ahte jagis 857 o. Kr. lei ollislaš {beaivvášsevnjjodeapmi}${noun,conc|beaivvášsevnnjodeapmi}, muhto doppe ii lean leamaš sevnnjodeapmi áigodagas 1229 ja 857 o. Kr., ja danne sáhttet bronsaáiggis nu sakka sárgon bávttiide dien dáhpáhusa. Davvi-Sámis ledje leamaš ollislaš beaivvášsevnnjodeamit jagiin 1067, 938 ja 929 o. Kr.


{Sisdoallu  [}‰{notspace|Sisdoallu [}čiega]

1 Iešguđet beaivvášsevnnjodeamit

2 Sevnnjodeami geahččat

3 Goas beaivvášsevnnjodeamit?

4 Liŋkkat

5 Čujuhusat

Iešguđet beaivvášsevnnjodeamit

Leat njealjelágan beaivvášsevnnjodeamit.

Ollislaš sevnnjodeapmi dáhpáhuvvá go mánnu gokčá olles beaivváža. Garrasit báiti beaivváža ovdii boahtá {seavdjadet}${adj,typo|seavdnjadet} oaidnemeahttun mánnojorbadas. Beaivváža korona mii muđui lea menddo čuovggaheapme {oidnit}${verb,typo|oaidnit}, ihtá dál čuovgi riekkisin. Ollislaš beaivvášsevnnjodeapmi oidno dušše unna oasážis máilmmis.

Gierdosevnnjodeapmi (annulára) lea dalle go beaivváš ja mánnu leaba juste ovtta linjjá alde go {málmmis}${noun,typo|máilmmis} geahččá, muhto mánnu lea nu guhkkin eret máilmmis ahte ii govčča olles beaivváža. Dalle oidno beaivváš šearradit čuovgi riekkisin (gierdun) mánu birra.

Hybriida sevnnjodeapmi lea ollislaš ja gierdosevnnjodeami gaskasaš dáhpáhus. Muhtin báikkiin lea sevnnjodeapmi ollislaš ja eará sajiin fas gierdosevnnjodeapmi.

Belohahkii (oassálas) {sevnjjodeapmi}${noun,conc|sevnnjodeapmi} lea go beaivváš ja mánnu eaba leat juste linjjá alde. Dalle lea mánnu dušše belohahkii beaivváža ovddas. Dieinna lágiin oidnojit buot duot golbma eará sevnnjodeami báikkiin mat leat olggobealde guovddášlinjjá. Dat sáhttá maid ná oidnot vaikko guovddášlinjá ii deaivva máilmmi obanassiige.

Lea imašlaš soaittáhat ahte beaivváš lea sullii 400 geardde guhkkelis máilmmis go mánnu ja das lea sullii 400 geardde stuorit diamehter. Go eatnamis geahččá, de orruba dat leame ovtta stuorrát. Dát soaittáhat dat dahká ahte máilmmis sáhttá oaidnit ollislaš beaivvášsevnnjodeami.

Duogážin dasa go muhtin sevnnjodeamit leat {gierdohápmásaččat}${adj,cmp,nomsg,gensg|gierdduhápmásaččat} ja earát fas ollásit gokčet, lea ahte mánnu johtá elliptalaš (jorbodahkii guhkolaš) geainnu mielde máilmmi birra. Dat dahká ahte mánnu lea muhtomin guhkkelis eret ja muhtomin lagabus máilmmi. Go mánnu lea guhkkin eret, de gokčá dat unnit oasi almmis, ii ge leat doarvái stuoris gokčat olles beaivváža. Gierdosevnnjodeapmi dáhpáhuvvá dávjjit go ollislaš sevnnjodeapmi, danne go mánu gaskamearálaš gaska lea menddo stuoris dasa ahte ollislaččat gokčat.

Sevnnjodeami geahččat

Lea várálaš geahččat njuolga beaivvážii, vaikko geahčasta dušše moadde sekundda hávális. Liikká sáhttá čalbmi ja oaidnu {billohuvvat}${verb,svow|billahuvvat}. Lea vejolaš oalát čalmmehuvvat dan geažil. Čalbmi ii dovdda bákčasa, mii várrešii várálašvuođa vuostá, ja danne sáhttá jođánit geavvat ahte čalbmi vaháguvvá.


Beaivvášsevnnjodeapmi Ringerikes, miessemánu 31. 2003

Dábálaččat lea beaivváš nu šearrat ahte dasa ii dárjja geahččat. Go lea beaivvášsevnnjodeapmi, de ii oro leame nu šearrat, muhto liikká lea beaivváščuovga seamma {várálaš}${vowc,á-a|váralaš}.

Beaivvášsevnnjodeami geahččamii leat ráhkaduvvon vásedin čalbmeláset. Ii galgga makkárge eará lásiid čađa geahččat beaivvážii. [2].


{Govvejeuvvon}${verb,typo|Govvejuvvon} Valladolidas {{( {Spanias}${prop,w|Espánnjas} )}‰{notspace|( Espánnjas)}}‰{notspace|(Espánnjas)}. Gierdosevnnjodeapmi golggotmánu 3. 2005

Olbmot geahččame beaivvášsevnnjodeami 2002:s Islánddas