Bearašbargu

Bearašbargu fállojuvvo mánáidsuodjalusa rabasfuolahusa doarjjadoaibman. Dán várás Anára gielddas doaibmá bearašbargi.

Bearašbarggu dárkkuhussan lea doarjut bearrašiid gávdnat čovdosiid eallima stuorra ja smávva váttisvuođaide. Bearašbarggu veahki sáhttá oažžut bearraša árgaeallima hálddašeapmái, vánhenvuođa nannemii, mánáid dikšuma ja bajásgeassima váttisvuođaid čoavdimii, bearraša siskkáldas ruossalasvuođaid čielggadeapmái ja ovttasdoaimma doaibmamii, vuorddekeahtes nuppástusaid dagahan váttisvuođaide jna.

Bearašbargu bargojuvvo eanaš áššehasa ruovttus. Vuosttas deaivvadeamis ságastallo áššiid birra, mat bearrašis fuolastuhttet ja makkár veahki bearaš dárbbaša daid čielggadeamis. Bearrašiin ovttas guorahallo vugiid ja plána birra, maiguin dilli geahččaluvvo divvot.

Bearašbarggu áššehassan sáhttá boahtit sosiálabargi evttohusas dahje bearraša iežas sávaldagas.