Jugešvuođafuolahus

Gárrenávdnasiin dárkkuhuvvojit alkohola, narkotihkat,
dihto dálkkasávdnasiid geavaheapmi dahje
seahkalasgeavaheapmi (dálkasat ja alkohola).

Anára gielddas gárrenávdnasiidda gullevaš dikšuma, doarjaga, veahki
ja rávvema sáhttá ohcat dearvvasvuođaguovddáža doaktáris,
mielladearvvasvuohta- ja bearašrávvehagas, sosiáladoaimmahagas
ja searvegottis. Sosiáladoaimmahagas sosiálabargiin jugešvuođaáššit
gieđahallojit dávjá áigáiboahtindoarjja-, rávesolbmuidsosiálabarggu
ja mánáidsuodjalusa oktavuođas.

Juos dárbbašat veahki akuhtalaččat juhkama heaitimis,
sáhtát ohcat botkehandikšui.
Botkehandikšu addojuvvo váldoáššis
Anára gieldda dearvvasvuođaguovddážis.

Guhkit áigge lágádusveajuiduhttinbaji áigge figgojuvvo ohcci
alkoholageavaheami botkemii, alkoholas boahtán hehttehusaid
geahpedeapmái ja maiddái ovttatolbmo ja bearraša eallindili čielggadeapmái.
Lágádusveajuiduhttimii dárbbašuvvo máksinčatnasupmi, man mieđiha
dearvvasvuođaguovddáža jođiheaddji doavttir/ iežas guovllu doavttir.

Váldoáššis máksinčatnasupmi lea mieđihuvvon Lapin Päihdeklinikkai
(Lappi Jugešvuođaklinihkka).
Veajuiduhttinbaji iežasvástuoassái sáhttá ohcat áigáiboahtindoarjaga.

Ivalon Päiväkeskus (Avvila Beaiveguovddáš) doaibmá vuossárggas 
duorastahkii  dmu 9.00 –13. Beaiveguovddáš lea deaivvadan- ja servvoštallanbáiki,
gos doibmet guokte jođiheaddji ja doppe lea vejolašvuohta maiddái boradeapmái
uhca buhtadusa vuostá.

Gielddas leat moadde jugešvuođadoarjjavistti. Láigosoahpamuš bargojuvvo vistedoaimmain.

Anára gielddas doaibmá AA-joavku, mii almmuha deaivvademiin ee. Inarilainen- báikkálašaviissas.

Ivalon Päiväkeskus VALKAMA Petsamontie 5

rabas vu-duor. dmu 9.00 – 13.00

t. 040 186 4292

Liŋkkat: