BURESBOAHTIN GIRJERÁDJUI
Girjerádjosis sáhtát luoikkahit girjjiid, bláđiid,
kaseahtaid, skearruid, videoid ja dvd.
Sáhtát maiddái guldalit máidnasiid, musihka,
geahčadit videoid, speallat dihtorspealuid
ja surffaat Interneahtas.
Girjerádjokortte oaččot dalán,
go leat buktán áhči dahje eatni
deavdin korteohcamuša girjerádjui.
Vuosttas korte lea nuvttá.
Luoikkaheami oktavuođas oaččot kuitte,
mas oainnát beaivemeari goas galggat máhcahit
du luoikkahan girjji/eará materiála.
Go dasto buvttát du luoikkahan materiála
ruovttoluotta girjerádjui, guođe
daid álo luoikkahandiskai.
Ithan doalvvo daid ieš hildui !
Muittáthan, ahte girjerádjosis ii oaččo
ruodjat iige viehkat,
dasgo máŋggat bohtet girjerádjui
ohcat dieđuid ja lohkamuša,
Girjerádjosa idean lea, ahte juohke
girjjis lea iežas báiki.
Jos buot girjjit livčče seahkalas látnan,
girjjiid gávdnan livččii váttis.
Girjjit leat juogaduvvon sisdoalu mielde
sierra luohkáide
nollas ovcci rádjai ( 0-9).
Luohkáid siste girjjit leat alfabehtalaš
ortnegis girjji čálli sohkanama mielde.
Ovdamearkan Peppi Pitkätossu-girjjit gávdnojit
daid čálli Astrid Lindgren mielde hildus
L- bustáva buohta.
Girjerádjosa bargoveahka ja IntroAktiivi
rávvejit du dárkilabbot gos du ohcan girji gávdno.
Print page
