Ohcan ja nuppástusat
Beaivedikšobáikkiid sáhttá ohcat jotkkolaččat.
Beaivedikšobáikki galgá ohcat maŋimustá
4 mánotbaji ovdal beaivedikšodárbbu álgima.
Juos beaivedivššu dárbu goittotge boahtá barggu
oažžumis, studeremiin dahje skuvlemis iige dárbbu
álgináigi leat dieđus, galgá beaivedikšobáikki ohcat nu jođánit go vejolaš,
goittotge maŋimustá guokte vahku ovdal go mánná dárbbaša dikšunbáikki.
Beaivedivššu ohcanskovit leat oažžumis
beaivedikšundoaimmahagas gielddadálus,
váldogirjerádjosis ja maiddái gieldda Internet-siidduin (www.inari.fi)
Ohcamuša mildosin galgá leat boahtočilgehus beaivedikšomávssu
mearrideami várás. Čujuhusa, telefonnummira ded. guoskevaš
nuppástusat ohcamušdieđuin almmuhuvvojit nu dikšunbáikái go jođiheaddjái.
Bargosaji, bargoáigge ja bálkká nuppástuvvan almmuhuvvo jođiheaddjái.
Beaivedikšodárbbu nogadettiin galget vánhemat eret cealkit dikšunbáikki,
man maŋŋá beaivedikšomávssut nohket.
Beaivedikšobáikki eretcealkin almmuhuvvo jođiheaddjái
millosepmosit čálalaččat.
Dikšunáiggit ja dikšundárbbu nuppástusat
Beaivedivššus mánáid dikšunáiggit sohppojit bearraša bargoáiggiid ja divššu dárbbu mielde. Jos mánnái ohccojuvvo beaivedikšu eará sivas go máná veajuiduhttima, vánhemiid barggu, studerema ded. dihte, dikšunáigi sohppojuvvo dmu 8.00-16.00 gaskii, eanemustá 8 diibmun. Máná dáfus vuohkkaseamos dalle lea dábálaččat goittotge jogo oassebeaivedikšu dahje eanemustá 5-7 h/bv bisti ollesbeaivedikšu.
Idja- ja vahkuloahppadikšun ja eahketdikšu lágiduvvo dušše barggu, studerema dahje eará seammasullasaš siva dihte, ii omd. áiggeájiid, mátkkiid ded. iežas áššiid dihte. Anára gieldda sosiálalávdegoddi lea dohkkehan almmolašprinsihpaid eahket-, idja- dahje vahkuloahppadikšuma ordnemis (sos.ldg 19.12.2006/dieđáhus beaivedikšundoaimmahagas)
Print page
