- Ruoktot
- Oahput
- Studeanttaide
- Guovdageaidnu studeantabáikin
- Guovdageaidnu oahppobáikin
- SSO Studeantaovttastus
- Čálgofálaldat
- Oahppojagi álgin
- Progrešuvdna- ja oahpahusplána
- Eksámen
- Grádat
- Njuolggadusat
- Doarjjaortnegat
- Studeantastivra
- Oahppodoaimmaid kvalitehtasihkkarastin
- Permišuvdna oahpus
- Studere olgoriikas
- Dieđit buriid ja baháid
- Girjerájus
- Dutkan
- SA birra
- Sámi ofelaččat
- Sámi lohkanguovddáš
Doarjjaortnegat
Sámi allaskuvlla studeanttain lea vuoigatvuohta oažžut oahppodoarjaga Stáhta loatnakássas. Allaskuvllas lea maid doarjjaortnegat nu go ruoššabeal studeanttaide ja ruoŧa- ja suomabeal studeanttaide. Gávdnojit maid eará stipeandaortnegat, nu go Norgga Sámedikkis ja Seminarii Laponici Fond.
Norgga sámedikki stipeanda
Norgga sámediggi lea ásahan stipeandaortnega vissis fágasurggiin. Sámediggi almmuha stipeanddaid jahkásaččat. Eambbo dieđuid gávnnat Sámedikki interneahtasiidduin; www.samediggi.no
Norgga stáhta loatnakássa
Go Norgga beale studeanttat studerejit ollesáigge dahje bealleáigge Sámi allaskuvllas, de sis lea vuoigatvuohta oažžut oahppodoarjaga Stáhta oahppoloatnakássas. Oahppodoarjaga sáhttá ohcat njuolga interneahta bokte dahje Sis- Finnmárkku studeantaovttastusa (SSO) bokte. Stáhta loatnakássa ohcanáigemearit leat 15.11 čakčalohkanbadjái ja 15.03 giđđalohkanbadjái. Njuolggadusat ja ohcanskovit gávdnojit dáppe: www.lanekassen.no
Doarjjaortnegat Ruošša studeanttaid váste
Norgga stáhta oahppoloatnakássa sáhttá addit kvohtastipeandda ja loana Ruošša ja eará Gaska- ja Nuorta-Eurohpa ja ovddidanriikkaid studeanttaide. Sámi allaskuvllas leat guokte kvohtasaji maid juolludit studeanttaide. Oahppoprográmma galgá dábálaččat leat dohkkehuvvon oahppun, man vuođul lea vuoigatvuohta oažžut doarjaga Stáhta oahppoloatnakássas. Doarjaga sáhttá oažžut njealji jahkái.
Doarjjaortnet Ruoŧa ja suoma studeanttaid váste
Ruoŧa ja Suoma studeanttat galget ohcat oahppodoarjaga ruovtturiikkas. Jus lea registrerejuvvon ja orron Norggas guhkit go guokte jagi, de lea vejolaš ohcat loana ja stipeandda Norgga stáhta oahppoloatnakássas. Sis-Finnmárkkus studeantaovttastus sáhttá veahkehit studeanttaid oahpporuhtaohcamiiguin vai sáhttet ohcat ruhtadoarjaga iežaset ruovtturiikkas.
Ruoŧas: Centrala studiestödsnämnden, CSN; www.csn.se
Suomas: KELA; www.kela.fi
Seminarii Laponici fond
Juohke jagi lea vejolaš ohcat stipeandda Seminarii Laponici foanddas. Foandda ulbmilin lea addit ruhtadoarjaga studeanttaide geat lohket sámegiela oahpaheaddjeoahpu oassin. Foanddas lea sierra stivra ja Sámi allaskuvla hálddaša foandda. Juohke jagi juhkkojuvvojit 3 stipeandda, guhtege 15 000 ruvnno. Ohcanaigemearri:
Tove Kingren sámi duodji vuođđudus
Eavttuid mielde ferte ohcci deavdit čuovvovaš eavttuid oažžut stipeandda:
- Sámegielat
- Gaskal 18 ja 30 jagi boaris
- Riegádan Finnmárkku fylkkas
- Studeret sámi duoji
- Duddjot
Čuovvovaš duođaštusat galget mielde ohcamii:
- Kopiija skuvlabáhpiriin mat duođaštit ahte leat sámegielat/humat sámegiela
- Kopiija riegandanduođaštusas
- Duođaštus oahppobáikkis oahpposuorggi ektui
Ohcamis ferte maiddai boahtit ovdan maid duddjot ja man guhká lea duojárin bargan.
Ohcan sáddejuvvo dán čujuhussii:
Tove Kingren sámi duodji vuođđudus
jođiheaddji Johan Strømgren bokte
Ájonjárga 7
N-9520 Kautokeino
VRI Finnmark
Doarjjaprográmma man Dutkanráđđi, Finnmárkku fylkkasuohkan ja Innovasjone Norge Finnmark ruhtadit. VRI Finnmark sáhttá earret eará ruđalaččat doarjut bachelor- ja masterbargguid mat čađahuvvojit ovttasbargun soames fitnodagain.
Loga eambbo: www.vrifinnmark.no