DUO Árbevierru, hutkáivuohta ja duddjon
Oahpahusgiella: Dábálaččat davvisámegiella
Oahpahusbáiki: Logaldallamiin neahta badjel, bargobájiin ja seminárain
Ohcanáigemearri: 01.08.16
Oahppu juhkkojuvvo guovtti oassái:
-
Plánen, hutkáivuohta ja duddjon (15 oč) ja
-
Árbevirolaš duoji bajásdoallan ja ealáskahttin (15 oč)
Oahpus vuojulduvvat dasa, mo plánet, duddjot ja gaskkustit duoji. Oahppu fállá praktihkalaš ja teorehtalaš dieđu, mainna studeanta čiekŋuda ja viiddida iežas duodječehppodaga ja áddejumi. Oahpus deattuhuvvo duddjon, man plánemis ja hábmemis hutkáivuohta, estetihkka ja kultuvrralaš ovdanbuktimat leat guovddážis. Oahpus ávkkástallat čuolmmaidčoavdinmetodaiguin, mat fállet studentii reaidduid plánemii, hábmemii ja bargamii. Oahpus lea vejolašvuohta duddjot earenoamáš stuorát dujiid. Oahpu nubbi oassi addá reaidduid suokkardallat dujiid máhttima oassin duodjeárbevieru bajásdoallama ja ealáskahttima.
Oahpu lágideapmi
Oahpahus lágiduvvo logaldallamiin (neahta badjel), bargobájiin ja seminárain.
Oahpahusgiella
Dábálaččat davvisámegiella
Koordináhtor Britta Marakatt Labba
Sisabeassangáibádusat
-
Sámi allaskuvlla vuođđooahpuid oppalaš sisaváldingáibádusat leat oppalaš lohkangelbbolašvuohta dahje reálagelbbolašvuohta ja sámegiella.
Duojis ohcci galgá duođaštit duodje- dahje dáidda- ja hábmenfágalaš gelbbolašvuođa, mii sáhttá leat fágabreava duojis, duodjeoahput duodjeskuvllas dahje eará vástideaddji duodjeoahppu. Ohcciin geain lea duddjonhárjáneapmi, galget hárjáneami duođaštussan buktit sisa 4-5 iešguđetlágan duoji.
Sámegiela gáibádusa sáhttá deavdit čuovvovaš vugiid mielde: 1) Norgga joatkkaskuvllas sámegiella 1. dahje 2. giellan, 2) Suoma logahagas eatnigielladutkkus dahje guhkes amasgielladutkkus dahje 3) Ruoŧa bealde gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá). Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin, dahje ceavzit giellageahččaleami maid Sámi allaskuvla lágida.
