DUO Duddjoma ja hábmema bargovuogit
- Oahpahusgiella: Sámegiella
- Oahpahusbáiki: Sámi allaskuvllas
- Duoji bachelora vuođđooahppu. Dat sáhttá maid leat doarjjafágan dahje válljenfágan eará bachelorprográmmain dahje eará oahpuin.
- 10 oahppočuoggá
- Oahppoplána
- Lohkanbadjeplána čakčat 2017
Sisdoallu:
Leago dus beroštupmi árbevirolaš ja ođđaáigásaš duodjái, ja liikot duddjot ja hábmet? De lea oahppu dutnje. Duddjoma ja hábmema bargovuogit oahpat duddjoma ja hábmema vuođđo bargovugiid. Don beasat práktihkálaš bargguid bokte plánet, duddjot ja hábmet. Don beasat oahppat ávdnasiid geavahit vuođđun plánemii ja duddjomii, ja mo plánet guovtte- ja golmmadimenšunála bargovugiiguin. Lagaš luonddu- ja kultuvrralaš biras leat vuolggasadjin duddjoma ja hábmema lahkoneamis. Oahpahusas lea sámiid ja eará eamiálbmogiid duodjeárbevierut vuođđun ja vuolggasadjin.
Sisdoalloplána
|
|
Fáddá |
|
|
Portfolie |
|
|
Mii lea duodji ja mii lea hápmi |
|
|
Árbevirolaš duoji bargovuogit, ávnnasteapmi |
|
|
Ivdneoahppa |
|
|
Herven árbevirolaččat
|
|
|
Áigeguovdilis hervenvuogit |
|
|
Vuođđohámit |
|
|
Plánen |
|
|
Čađaheapmi |
|
|
Ovdanbuktin ja reflekšuvdna |
|
|
Čájáhusceggema vuođđobargovuogit |
|
|
Árbevirolaš duodji |
|
|
|
Maŋemuš rievdaduvvon 21.03.17
Sisabeassangáibádusat
Dábálaš sisabeassangáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje reálagelbbolašvuohta.
Ohccit galget sáddet sisa 8-10 gova dujiin ja daid detáljjain.
Dasa lassin gáibiduvvo giellamáhtolašvuohta davvi-, julev-, dahje máttasámegielas.
Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje guhkes amasgielladutkkus ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.
Prográmmastudeanttat čuvvot progrešuvdnaplána.
