DUO Duoji masterprográmma
- Oahpahusgiella: Vuosttažettiin davvisámegiella
- Oahpahusbáiki: Sámi allaskuvllas
- 3 jagi oahppu: 1. -2. jahki 50 %, 3. jahki 100 %
- 120 oahppočuoggá
- 2017 čavčča lohkanbadjeplána
- 2018 giđa lohkanbadjeplána
Duoji masterprográmma addá alit dási geavatlaš ja teorehtalaš máhtu duojis. Vuođđun adnojit dieđut maid studeanta lea háhkan bacheloroahpus dahje vástideaddji oahpus. Studeanta oahppá bargat iešheanalis dutkan- ja ovdánahttinbargguid.
Duoji masteroahppu addá 120 oahppočuoggá, mas 60 oahppočuoggá masterdutkamuš lea oassin.
Čiekŋudanvejolašvuođat
Sáhttá joatkit doavttergrádaoahpuin.
Bargovejolašvuođat
Iešheanalaš duojárin. Duodjeoahpaheaddjin joatkkaskuvlla- ja allaskuvlladásis, jus muđui lea pedagogalaš duogáš dan oahppoásahusa ektui. Almmolaš ásahusain ja priváhta fitnodagain, main gáibiduvvo alladássásaš duodjefágamáhttu. Dáidda- ja duodjegalleriijain, museain, universitehtain, allaskuvllain ja eará dutkan- dahje dutkan- ja dáiddalaš ovdánahttinásahusain.
Sisabeassangáibádusat
Jogo duoji bachelorgráda, cand.mag.-gráda mas lea unnimusat
60 oč duodjefága oassin dahje lassin, oahpaheaddjioahppu mas lea unnimusat 60 oč duodjefága oassin dahje lassin, dahje 3 jagi dáiddafágalaš oahppu mas lea unnimusat 60 oč duodjefága oassin dahje
lassin. Ohccit galget maid duođaštit sámegiela gelbbolašvuođaset.
FUOMÁŠ: Dehálaš áigemearit